माओवादी बन्दका कारण संबिधान सभा प्रभावित

-मातृका दाहाल-
काठमाडौं, २१ मंसिर। एकिकृत माओवादीको एकदिने नेपाल बन्दका कारण आइतवार बस्ने भनिएको संविधानसभा लगायत विभिन्न समितिहरुका बैठक स्थगित भएका छन्।
कैलाली घटनामा प्रहरी प्रशासनले सुकुम्वासीमाथी निर्मम पर्ूवक दमन गरेको भन्दी माओवादीले आइतवार एक दिने नेपाल बन्द आहृवान गरेपछि संविधान सभाको बैठक सोमवार सम्मकालागि स्थगित भएको संविधान सभा सचिवालयले जनाएको छ।
बन्दले गर्दा संविधानसभा भवन नया“ वानेश्वरमा माओवादीका सभासद्हरु अनुपस्थित रहेपछि बैठक स्थगित गरिएको हो।
माओवादी बन्दले गर्दा अन्य दलका सभासद्हरुपनि समयमा आउन नसेपछि कार्यव्यवस्था पर्रार्मश समितिको बैठकले संविधान सभाको बैठक सूचना टासी स्थगित गरिएकोे सचिवालयले उल्लेख गरेको छ।माओवादी वन्दका कारण आइतवार पहिलो पटक संविधानसभा वैठक स्थगित भएको हो।
यसैगरी संविधान सभा अर्न्तगतको संवैधानिक समितिको बैठकपनि माओवादीका तर्फाट संवैधानिक समितिमा रहेका सदस्य अनुपस्थित भएपछि बैठक स्थगित गरिएको छ।
संवैधानिक समितिले जनाएअनुसार बैठकमा माओवादीका सभासद्हरु नआएपछि बैठक स्थगित गरिएको हो।
त्यस्तै माओवादीको बन्दका कारण संसद अर्न्तगतको र्सार्वजनिक लेखासमितिको बैठकपनि प्रभावित भएको छ। बैठकमा माओवादी र अन्य सभासद्हरु समयमा नआएपछि बैठक प्रभावित भएको हो।
माओवादीको एकदिने वन्दले संविधानसभा तथा व्यस्थापिका संसद अर्न्तर्गत रहेका विभिन्न समिति मात्र होईन, मुलुकभरका शैक्षिक संघसस्था, उद्योग कलकारखाना,यातायात लगायतका क्षेत्र समेत पर्ूण्ारुपमा प्रभावित भएका छन्।