स्पाइस मोबाइलप्रति ग्राहकहरूको गुनासो

वीरगंज, ३० मंसिर। टेलिटक प्रालि काठमाडौंद्वारा इम्पोर्ट गरिएको स्पाइस मोबाइल फोनको ब्याट्री कमजोर रहेबाट उक्त फोन खरिद गर्ने ग्राहकहरू ज्यादै पीडित भएको बताउन थालेका छन्।
सो कम्पनीले आयात गरेको डि-६६६६ मोडलको स्पाइस मोबाइलको ब्याट्री चार्ज गर्दा एक दिन पनि नचल्ने गरेको गुनासो ग्राहकहरूको छ।
उठेका यस्ता गुनासोहरूको सम्बन्धमा उक्त फोन बिक्रेताहरूसंग प्रतिक्रिया लिंदा सिडिएमए सिम प्रयोग गर्दा बढी ब्याट्री खाने हुंदा दैनिक चार्ज गर्नुपर्ने अवस्था सुरूदेखि नै रहेको बताएका छन्।
तेश्रो मुलुकबाट उक्त फोन आयात गरिएको सो फोनको बट्टामा नेपालका ग्राहकले मात्र प्रयोग गर्ने भनि लेखिए तापनि सो फोनमा इन्डिया, नोयडा, उत्तर प्रदेश लेखिएको अवस्थाले ग्राहकहरूलाई भ्रममा समेत पारिरहेको बताएका छन्।
ब्याट्री कमजोर रहेको कारण हालसम्म बजार ओगट्न नसकेको स्वीकार्ने केही बिक्रेताहरूले यस्ता गुनासो लामो समयदेखि आइरहेको प्रतिक्रिया दिएका छन्।
वीरगंजमा प्रमुख डिलर स्मार्ट कनेक्सन एवं करिब ८-१० वटा सबडिलर रहेको अवस्थामा पनि कम्पनीले एक वर्षो वारेन्टी, ग्यारेन्टी दिंदासमेत वीरगंजस्थित डिलरले मोबाइल फर्ेन नमान्ने, ब्याट्री नफर्ेर्ने, ब्रि्रेको मोबाइल समयमा मर्मत नगरिदिने अवस्था रहेको उक्त फोन प्रयोग गर्ने ग्राहकहरूको गुनासो छ।
मोबाइल फोनको प्रतिस्पर्धा रहेको वर्तमान अवस्थामा टेलिटक प्रालिले वीरगंजमा मर्मत सेन्टर नराखेबाट पनि यो समस्या बढ्दै गएको सो फोन बिक्रेताहरूको भनाइ छ।