संविधान नबनेसम्म माओवादी नेतृत्वको सरकार बन्दैन­­ - उपप्रधानमन्त्री गच्छदार

काठमाडौं २३ । उपप्रधानमन्त्री एवं मधेसी जनअधिकार फोरम लोकतान्त्रिकका अध्यक्ष विजयकुमार गच्छदारले संविधान नबनेसम्म माओवादीको नेतृत्वमा सरकार बन्ने कुनै सम्भावना नरहेको बताएका छन् । आज रिपोर्टस क्लब नेपालद्वारा आयोजित साक्षात्कारमा उपप्रधानमन्त्री गच्छदारले माओवादीसामु सरकारसागको सहमतिमा आउने या मुठभेडमा जाने दुइटा विकल्प मात्र रहेको तर उसकै नेतृत्वमा सरकार बन्ने कुनै सम्भावना नरहेको दाबी गरे ।
रिपोर्टर्स क्लब नेपालका अध्यक्ष ऋषि धमलाको साक्षात्कारमा सम्पन्न कार्यक्रममा गच्छदारले सरकारको विकल्प खोज्नु अहिले समय मात्रै खेर फाल्नु र संविधान निर्माणको कामलाई झन टाढा धकेल्नु रहेको बताए । ६ महिनाको बीचमा सरकार बनाउने र फाल्ने खेलमात्रै भयो अब पनि त्यस्तो हुनुहुादै । गच्छदारले भने, "माधवकुमार नेपालको नेतृत्वमा संविधान पनि बन्द र त्यसपछिको चुनाव पनि उहााकै नेतृत्वमा हुन्छ । त्यसले माओवादीले आफ्नो नेतृत्वमा सरकार बनाउने नसाचे हुन्छ ।"
उपप्रधानमन्त्री गच्छदारले फेरि सरकार परिवर्तनको खेल भए मधेसवादी दलहरु चुप लागेर नबस्ने बताए । सबै सरकार बनाउन पहिलेदेखि नै भूमिका खलेको र अहिलेको सरकार ढल्छ कि टिक्छ भन्नेमा आफूलाई पुरा जानकारी रहेको उनको भनाइ थियो । गच्छदारले माओवादीले एकपछि अर्को गरी ल्याइरहेका कार्यक्रमले देशलाई मुठभेडमा लैजाने दाबी गरे । गणराज्यको घोषणा, आमहड्ताल जस्ता सबै कार्यक्रम संविधान र शान्ति सम्झौताको विपरीत छन्, यसले देशलाई मुठभेडमा लैजान्छ- गच्छदारले भने ।