सवारी दुर्घटनामा दुइको मृत्यु

वीरगंज, १२ माघ । नातीले चलाएको ट्रकले किचेर एक बाजेको मृत्यु भएको छ।
आज बाराको भरतगञ्ज सिंगोलमा ना ४ ख ३९६ नम्बरको ट्रक चलाएका नाती सन्तोष
राउतले आफनै बाजे ७६ वर्षीय धनबहादुर राउतको किचेर मृत्यु भएको प्रहरीले
जनाएको छ।
यसैवीच पथलैयाबाट वीरगंजतर्फजा"दै गरेको ना ३ ख ४३६५ नम्बरको ट्यांकरको
ठक्करबाट जीतपुर ३ का प्रभु सहनीकी ८ वर्षीया छोरी पूजा गम्भीर घाइते
भएपछि उनको बाटोमा नै मृत्यु भएको छ।
स्थानीयवासीले शव राजमार्गमा राखी अवरुद्ध गरेपछि प्रहरीले पीडित
परिवारलाई उचित क्षतिपूर्ति दिन पहल गर्ने सहमति भए पछि दिउंसोदेखि
चक्काजाम खुलेको बारा प्रहरीले जनाएको छ।