माओवादी र प्रहरीबीच झडप, वीरगंज बन्द, सडक अवरुद्ध, ज्रि्रकामा वार्ता

वीरगंज, २९ पुस । एनेकपा माओवादीको कार्यकर्तालाई अज्ञात समूहले हत्या
गरेको विरोधमा आज माओवादी कार्यकर्ता र प्रहरीबीच वीरगंजको घण्टाघरमा झडप
हुंदा दर्जनौ घाइते भएका छन् ।
मृतक राजेश मण्डलको शव बोकेर नेकपा माओवादीका कार्यकर्ताहरुले
वीरगंजस्थित भारतीय महावाणिज्यदूतावासको अगाडि १० मिनेट जति नाराबाजी
गर्दै जिल्ला प्रशासन कार्यालयमा जान खोज्दा प्रहरीले घण्टाघरमा
घेराबन्दी गरेका थिए।
माओवादीका कार्यकर्ताले भारतीय विस्तारवाद मर्ुदावाद, निकम्मा सरकार
मर्ुदावाद, गृहमन्त्री राजीनामा लगायतको नारा लगाउंदै घेराबन्दी तोडेर
जिल्ला प्रशासन कार्यालयमा घेराउ गर्न जांदा प्रहरीले लाठीचार्ज गरेको
थियो।
जिल्ला प्रशासन कार्यालयमा माओवादीका नेता र प्रजिअ यादव कोइरालाबीच
भएको वार्तामा बारामा घटना भएको हुंदा बारा प्रशासनसंग वार्ता गर्न
प्रजिअले आग्रह गरेका थिए।
बन्दको कारण आज वीरगंजको जनजीवन पूर्णरुपमा प्रभावित भएको छ भने
वीरगंजको विभिन्न स्थानमा सडक अवरुद्ध भएपछि एम्बुलेन्स छिर्ने ठाउं पनि
नरहेको स्थानीयवासीले बताए।
- तस्बिर- प्रणय कुमार