वीरगंज, १३ माघ। नागरिकको सुरक्ष्ँाका लागि घण्टाघरमा खटिएका प्रहरी एवं
सवारी ट्राफिक व्यवस्थापनका लागि गोजीमा दुवै हात हाली ड्युटी गरिरहेका
वीरगंज, घण्टाघरस्थित ट्राफिक प्रहरी जवान योगनारायण साहको तस्बिर लिएका
संचारकर्मी अमित अग्रवाललाई आज साह लगायत संगै रहेका एक नेपाल प्रहरीका
हवल्दारले तथानाम गालीगलौज गर्दै धम्की दिएका छन्।
अनुशासन विहिन अवस्थामा ड्युटी गरिरहेका ट्राफिक प्रहरी साहको तस्बिर
खिंच्दा पत्रकार अग्रवाललाई नजिक बोलाई तस्बिर किन खिंचेको, म लोकल हुं,
तंलाई ठिक पारिदिन्छु भनि तथानाम गरेका थिए।
पत्रकार अग्रवालले तपाई कहां डिउटी गर्दै हुनुहुन्छ भनि प्रश्न गर्दा म
भारतमा डिउटी गर्दैछु, तैले भारतको पत्रिकामा या नेपालको पत्रिकामा मेरो
तस्बिर छापेर मेरो केही बिग्रिदैन, तंलाई ठिक पार्छर्ुुनि धम्की दिएको
संचारकर्मी अग्रवालले बताएका छन्।
सो बखत घटनास्थलमा ड्युटीमा खटिएका ट्राफिक प्रहरी साह आफूले लगाएको
पैन्टको दुबै खल्तीमा हात हाली ठि· उभिएका थिए भने सवारीसाधनलाई
व्यवस्थित संचालन गर्नको लागि सशस्त्र प्रहरी लागिपरेका थिए। यस घटनाको
विषयमा तत्कालै संचारकर्मी अग्रवालले जिल्ला प्रहरी कार्यालयका प्रहरी
उपरीक्षक राजेन्द्र श्रेष्ठ र ट्राफिक प्रहरी निरीक्षक एकनारायण
कोइरालालाई जानकारी गराउंदा कारबाही गर्ने आश्वासन मात्रै दिनुभएको छ।
Comments
Post a Comment