जडिबुटी माफिया हर्बोदेखि होशियार

अखिलेश सिंखडा
काठमाडौं, १० माघ/ एकीकृत नेकपा माओवादीले जल, जंगल, जडिबुटी, जमिन र जल
माफियालाई सखाप पार्ने रणनीति लिएको थियो । तर, ९ महिने सरकार चलाउँदा
उसले यी पाँचै माफियालाई खुलेआम छोडिदियो र यसले गर्दा यी माफियाहरू
माओवादीको समेत संरक्षण पाइयो भनेर खुलेआम छाती फुलाएर हिँड्ने थाले ।
अहिले यी पाँच 'ज' माफिया माओवादीकै शरणमा रहेरनिर्वाध रूपमा आफ्नो
गोरखधन्दा संचालन गरिरहेका छन् ।
माओवादीको छत्रछायाँमा रहेर पछिल्लो पटक जडिबुटी माफियाहरूको सक्रियता
झन् बढेको छ । माओवादीले कर्ण्ाालीलाई जडिबुटी उद्योग संचालन गर्ने
उद्घोष गरेदेखि नै केही जडिबुटी माफियाहरू माओवादीनेताहरूकहाँ हात मोल्न
पुगेका थिए र माओवादी सत्ताबाट बाहिरिएपछि पनि बन्दुकको आडमा गोरखधन्दा
संचालन गराइदिने आशमा यी माफियाहरू माओवादीको शरणमै रहेका छन् ।
माओवादीले काँधमा हात राखिदिएपछि मख्ख पर्दै आफ्नो सञ्जाल विस्तार गर्ने
काममा तिक्तता दिएका जडिबुटी माफियाहरूमध्ये हर्वो इन्टरनेशनल अहिल अग्र
स्थानमा रहेको छ । नेर्टवर्क व्यवसायको आडमा जडिबुटीको कालो व्यापार
गरिरहेको हर्वोका कर्तुतहरू धमाधम बाहिर आउन थालेपछि यसका संचालकहरू पुनः
माओवादीको शरणमा हार-गुहार माग्न पुगेका छन् । हर्बोका गोकुल श्रेष्ठ,
पुष्पराज पुरुष, बसन्त पण्डितलगायतका माफियाहरू आफ्नो धन्दामा कानुनले
अंकुश लगाउने संकेत देखेपछि त्रसिद भएर माओवादीको बन्दुकसँग गुहार माग्न
पुगेको हर्वो पीडितहरूको भनाई छ ।
जडिबुटीबाट बनेको अर्ग्यानिक चिया, साबुन, तेल, दन्तमञ्जन जस्ता
वस्तुहरू चर्को मूल्यमा विक्री गरेर उपभोक्ता ठग्दै आएको हर्बो विरुद्ध
उपभोक्ता संरक्षण ऐन अनुसार कारवाही हुने भएपछि यी माफियाहरू झोली तुम्बा
बोकेर कुलेलमा ठोक्ने कि माओवादीलाई कमिशन दिएर टिकीराख्ने भन्ने सोचमा
परेका छन् । एक हजार रुपैयाँमा चिया बेच्ने, दर्ुइ सय रुपैयाँमा साबुन
बेच्ने, चार हजार रुपैयाँ तेल बेच्ने, चारसय रुपैयाँमा दन्तमञ्जन बेच्ने
हर्बोका माफियाहरूले उपभोक्ता संरक्षण ऐनको खिल्ली उडाइरहेका छन् । तर,
उपभोक्ताको हक हितको ठेक्का लिन्छु भनेर बसेका उपभोक्ता संरक्षणबादीहरू
काम र मुखमा ठेली कोचेर बसेका छन् ।
उपभोक्ता संरक्षण मञ्च खोलेर डलर खेतीमा रमाएका ज्योति बानिया, हरेन्द्र
श्रेष्ठ, प्रेमलाल महर्जन जस्ता व्यक्तिहरू हर्बोको लुटभन्दामामौन
र्समर्थन गर्नुले उनीहरूले पनि माफियाबाट मोटो रकम कमिशन खाएको प्रष्ट
हुन्छ । खल्तीमा डलर भर्ने, उपभोक्ताको पक्षमा भाषण गर्ने, रडियो
कार्यक्रम चलाउने र उपभोक्ताको नाम बेचेर परिवार पाल्ने धन्दामा लागेका
यी उपभोक्ता अधिकारवादीहरूको हर्बोप्रतिको लचकताले आम र्सवसाधारण ठगिँदै
गएका छन् र माफिया, काला बजारीहरू झन् सुरक्षित बनेका छन् ।