वीउवासंघद्वारा राष्ट्रपतिसंग भेट

वीरगंज, ९ माघ। वर्तमान प्रर्रि्रेक्ष्यमा रहेका उद्योग व्यापारसंग
सम्बन्धि समस्या प्रति सम्बन्धित निकायको ध्यानाकर्षण गराइ समाधानको लागि
आवश्यक पहल गर्न बीरगंज उद्योग वाणिज्य संघको अध्यक्ष ओमप्रकाश सिकरियाको
नेतृत्वमा काठमाण्डौ गएको आठ सदस्यीय शिष्टमण्डलले नेपालका प्रथम
राष्ट्रपति रामवरण यादवसंग शिष्टाचार भेट गरी समसामयिक समस्याहरु वारे
राष्ट्रपतिलाई अवगत गराउँदै समाधानका लागि सम्बन्धि निकायलाई निर्देशन
हुन अनुरोध गरेको छ। साथै राष्ट्रपतिले आवश्यक पहल गर्ने आश्वासन दिनु
भएको समाचार प्राप्त भएको छ। त्यसैगरी सो शिष्टमण्डलले गृहमन्त्री माननीय
भिम रावल, उर्जामन्त्री माननीय प्रकाश शरण महत, उद्योगमन्त्री माननीय
महेन्द्र राय यादव समेतसंग गरेको छुट्टाछुट्टै भेटमा बिषयगत रुपमा
समस्याहरु अवगत गराएको थियो। बारा/पर्सा क्षेत्रको समस्या प्रति सरकार
गम्भिर रहेको छ। उद्योग व्यापार तथा नागरिक सरोकारका पक्षमा देखिएका
प्रत्येक समस्या समाधान तथा अमनचयन कायम गर्न सरकारले निर्ण्ाायक
कार्यहरु चाँडै नै गर्ने र कतिपय कार्यहरु प्रारम्भ समेत भई सकेको तथा सो
कार्य सम्पादनमा भारतले समेत सहयोग गर्ने सहमति दिएको जानकारी माननीय
मन्त्रीहरुबाट प्राप्त भएको शिष्टमण्डलले वताएको छ।
शिष्टमण्डलले नेपाल राष्ट्र बैंकका कायममुकाय गभर्नर कृष्ण बहादुर
मानन्धर तथा कार्यकारी निर्देशक भाष्करमणी ज्ञवालीसंग भेट गरेको र भेटको
अवसरमा भारतीय मुद्राको उपलब्धता तथा भारतको लागि बनाईने बैंक ड्राफ्टमा
देखिएको अवरोध र बैंकसंग सम्बन्धित विविध बिषयहरु सम्बन्धमा आवश्यक छलफल
भएको थियो। सो शिष्टमण्डले उद्योग व्यापारीहरु केन्द्रीय छाता संगठन
नेपाल उद्योग वाणिज्य महासंघका पदाधिकारीहरुसंग समेत भेट गरी शिष्टमण्डले
काठमाण्डौमा राष्ट्रपति, मन्त्री तथा विभिन्न निकायका अधिकारीसंगको भेटमा
प्रस्तुत गरेको बिषयहरु बारे महासंघलाई अवगत गर्राई महासंघबाट समेत
समाधान सम्बन्धमा आवश्यक पहल गर्न अनुरोध गरेको समाचार प्राप्त भएको छ।