महायज्ञको भव्य समापन

-बिजय तिमलसिना, हेटौडा, १९ पुस/ स्थानिय ज्योति निम्न माध्यमिक बिद्यालय
र ओम वृद्धाश्रमको सहयोगार्थ चौकिटोलमा आयोजित श्रीमद्भागवत् सप्ताह
ज्ञान महायज्ञको शनिवार भव्य समापन गरिएको छ।
पांच करोड संकलन लक्ष्यसहित संचालित महायज्ञ अवधिभर तीनकरोडभन्दा बढी
रकम संकलन भएको महायज्ञ आयोजक मूल समितिले जानकारी दिएको छ। हामीले पांच
करोड संकलन लक्ष्य लिएकोमा तीनकरोडभन्दा बढी रकम जम्मा गर्‍यौ।, महायज्ञ
आयोजक मूल समितिका उपाध्यक्ष सविन न्यौपानेले जानकारी दिनुभयो ँहामी
सामाजिक, सांस्कृतिक र धार्मिक एकताको सन्देश दिन सफल बनेका छौ' उहांले
थप्नुभयो।
महायज्ञ समापनको क्रममा प्रमुख वाचक पण्डित दीनबन्धु पोखरेललाई
हात्तिमा चढाइ नगरपरिक्रमा गराइएको थियो। महायज्ञ मूल आयोजक समितिका
अध्यक्ष अरुणराज सुमार्गीको सभाध्यक्षता तथा वाचक पोखरेलको प्रमुख
आतिथ्यता र प्रमुख जिल्ला अधिकारी रुद्रप्रसाद पौडेलको आतिथ्यतामा
कार्यक्रम सम्पन्न भएको थियो। समापन कार्यक्रममा बोल्दै प्रजिअ पौडेले
धार्मिक कार्यमार्फ सामाजिक उत्थानका े प्रयास गरिएकोमा सह्राहना
गर्नुभयो।
महायज्ञले लिएको लक्ष्य पुरा भएको भन्दै आयोजक समिति अध्यक्ष समितिका
अध्यक्ष अरुणराज सुमार्गीले महायज्ञबाट सामाजिक, सांस्कृतिक र धार्मिक
उत्थानमा टेवा पुगेको बताउनुभयो। महायज्ञ समापनसंगै वाचक पोखरेल शनिवारै
काठमाडौ प्रस्थान गर्नुभएको छ।
सात दिनसम्म चलेको महायज्ञमा पांच हजार भक्तजन अटाउन सक्ने क्षमताको
पण्डाल व्यबस्था गरिएको थियो। मञ्च र स्टेज निर्माणमा आयोजकको जांगरको
वाचक पोखरेलले खुलेरै प्रशंसा गर्नुभयो।
महायज्ञस्थलमा गंगा सुवेदीको नेतृत्वमा रहेको महिला टोलिले गृहिणीहरुलाई
साक्षर बन्न आव्हान गर्दै १० हजार पम्प्लेट वितरण गरेको थियो।
महायज्ञको अन्तिम दिन ५० लाख बढी रकम संकलन भएको आयोजकले जनाएको छ।
वाचक पोखरेलले आफूले पाउने पारिश्रमिकबाट १५ हजार ११ रुपियां महायज्ञलाई
दान गर्नुभएको छ। अन्तिम दिन रामजी दाहालले आफ्नी श्रीमतीको छैठौ पूण्य
तिथिको अवसरमा १५ हजार एकसय ११ रुपियां दान गर्नुभएको छ। महायज्ञको
अन्तिम दिन ७३ जनाको सामुहिक व्रतबन्ध गरिएको जानकारी आयोजकले दिएको छ।