पत्रकार महासंघ मकवानपुरको प्रतिवेदन

-खेम बोलखे
मकवानपुर, २० पुस। नेपाल पत्रकार महासंघ मकवानपुर शाखाले मकवानपुर जिल्लामा श्रमजीवी पत्रकार ऐन कार्यान्वयको वर्तमान अवस्था सम्बन्धी संक्षिप्त अनुगमन प्रतिवेदन आज र्सार्वजनिक गरेको छ।
प्रतिवेदनमा मकवानपुर जिल्लामा केही वर्षयताको अवस्थालाई हर्ेदा सञ्चारमाध्यमको संख्यात्मक बृद्धि भएको छ। त्यही अनुसार पत्रकारितालाई पेशा बनाएर कार्यरत सञ्चारकर्मीहरुको संख्यापनि उत्तिकै बढेको छ। पत्रकारिता पर्ढाई हुने विद्यालय र कलेजहरुलेपनि यो पेशामा लाग्ने सञ्चारकर्मीको संख्या थपेको देखिन्छ। जिल्ला प्रशासन कार्यालय मकवानपुरको तथ्यांकलाई हर्ेर्ने हो भने पत्रपत्रिका दर्ताको संख्या ८५ रहेको छ।
ती मध्ये दैनिक ७, साप्ताहिक ५६, अर्धसाप्ताहिक १, पाक्षिक ५, मासिक ६ वटा रहेका छन्। दर्ता भएका सबै पत्रपत्रिका नियमित रुपमा प्रकाशन भएका छैनन्। हाल यहाँबाट हेटौंडा सन्देश, नारायणी, हेटौंडा टुडे र मकवानपुर पोष्ट दैनिकरुपमा प्रकाशन भइरहेका छन्। त्यसैगरी प्रयास अर्ध साप्ताहिक रुपमा प्रकाशनमा छ भने साम, निकास, हेटौंडा वापौ, ताम्सालिङ ताम्सोर, हेटौंडा खबरपत्र, हेटौंडा टाइम्स, सक्रिय, मध्यस्थता, विकास खवर पत्रिका, मकवानपुर आवाज, नमस्कार साप्ताहिकरुपमा प्रकाशित भइरहेको छ।
मिसाइल पाक्षिक रुपमा र जुनकिरी मासिक रुपमा प्रकाशनमा छ। विद्युतीय सञ्चारमाध्यमतर्फ२०५७/०५८ तिर हेटौंडामा उपत्यका बाहिरको पहिलो व्यवसायिक रेडियो स्टेशनका रुपमा मनकामना एफएम प्रशारण आरम्भ भएको थियो, भने हाल यो स्टेशन बन्द अवस्थामा छ।
अहिले मकवानपुरमा २ सामुदायिक र ३ व्यवसायिक रेडियो स्टेशन प्रशारणमा छन्। यी मध्ये रेडियो थाहा सञ्चार, हेटौंडा एफएम र रेडियो मकवानपुर हेटौंडा नगर भित्र रहेको छ भने उत्तरी क्षेत्र पालुङबाट रेडियो पालुङ र दामनबाट प्रतिध्वनी एफएम प्रशारण भइरहेको छ।
नेपाल पत्रकार महासंघ मकवानपुरको तथ्यांक हर्ेर्ने हो भने अहिले ९९ को संख्यामा सदस्य रहेका छन्। मकवानपुरमा छापा माध्यममा काम गर्ने संचारकर्मीको संख्या बढेसँगै विद्युतीय सञ्चार माध्यममा पत्रकारिता गर्ने सञ्चारकर्मीको संख्यापनि उल्लेख्य बृद्धि भएको छ। प्रविधिका दृष्टिकोणलेपनि यहाँका संचारसंस्था र संचारकर्मीले प्रगति गरेका छन्।