मन्त्रीविरुद्ध प्रधानमन्त्रीकहाँ राज्यमन्त्रीहरुको उजुरी

काठमाडौं माघ ११ । विभिन्न मन्त्रालयका सात राज्यमन्त्रीहरुले अधिकार
प्रत्यायोजनका निम्ति प्रधानमन्त्री माधवकुमार नेपालको ध्यानाकर्षण
गराएका छन् । सोमबार रिपोर्टर्स क्लब नेपालको साक्षात्कार कार्यक्रममा
उनीहरुले मन्त्री र राज्यमन्त्रीबीचका समस्या समाधान गर्न प्रधानमन्त्री
सकारात्मक रहेको जानकारी दिए ।
'समस्या लुकाएर समाधान हुँदैन' गृहराज्यमन्त्री रिजवान अन्सारीले भने-
मुलुकको अधिकारका लागि लड्नेले आफ्नो अधिकार निम्ति नलड्ने कुरा आउँदैन ।
अन्सारीले गृहमन्त्री भीम रावलसँग प्रहरी संगठनभित्र दण्ड र पुरस्कारका
मामिलामा केही मतभेद रहे पनि बोलचालै बन्द नभएको बताए । उनले भने- अस्ति
भारत जाँदा पनि फूलमालाले बिदाइ गरेँ अहिले फर्कदा पनि पुूलमालाले स्वागत
गरेँ । तर केही मतभेद रहेकै हो ।
एक मधेस एक प्रंदेश स्वीकार्य नभएको अन्सारीले बताए । एउटा मधेस प्रदेश
बनाउने र त्यसअन्तर्गत उपप्रदेश बनाएर अधिकार कम गर्ने पक्षमा आफ्नो दल
नरहेकेा उनले स्पष्ट गरे । संयन्त्रमार्फत अनिश्चितकालीन बन्द फिर्ता
लिएकोमा माओवादीलाई धन्यवाद समेत दिए ।
रिपोर्टर्स क्लब नेपालको अध्यक्ष ऋषि धमलाको सभापतित्वमा सम्पन्न
साक्षात्कार कार्यक्रममा ऊर्जा राज्यमन्त्री चन्द्रिसंह भट्टराईले
मन्त्री र राज्यमन्त्रीबीच अधिकारको लडाईंभन्दा पनि आफ्ना दायित्व पूरा
गर्न सकेको छ कि छैन भनेर खोज्नु उचित हुने बताए । 'कतिपय अधिकार
व्यक्तिको योग्यता र क्षमतामा पनि भरपर्छ' उनले भने ।
मुलुकको लोडसेडिङ कम गर्न भारतीय विदेशमन्त्री एसएम कृष्णा नेपाल आउँदा
थप ६० मेगावाट बिजुली किन्ने प्रस्ताव गरिएको उनले जानकारी दिए । उनले
भने- मुलुकमा प्राविधिक र मानवीय कारण विद्युत् चुहावट २७ प्रतिशत छ
तामाकोसीलगायत आयोजना सम्पन्न भएपछि लोडसेडिङमा केही सुधार हुन सक्छ ।
भट्टराईले एउटा मुलुक चलाउन नसकिरहेको अवस्थामा धेरै राज्य बनाएर मात्र
जनताको आकांक्षालाई मूर्त रुप दिन नसकिने बताए । माओवादीको अनिश्चितकालीन
आम हडताल फिर्ता संयन्त्रको सकारात्मक कदम भएको उनको धारणा थियो ।
कार्यक्रममा भौतिक योजना तथा निर्माण राज्यमन्त्री साजयकुमार साहले
मुलुकमा राज्यमन्त्रीको आवश्यकतै नभएको बताए । 'पार्टीभित्र चित्त बुझाउन
मन्त्रालयपिच्छे राज्यमन्त्री राखिएको छ' उनले भने- विना काम अनाहकमा
राज्यमन्त्री राखेर राज्यको ढिकुटी खर्च भइरहेकेा छ ।
उनले संघीयताविरोधीहरु राष्ट्रघाती भएको बताए । पूर्व मेचीदेखि पश्चिम
महाकालीसम्म एक मधेस प्रदेश हुनुपर्ने उनको धारणा थियो ।
उनले निश्चित विचार लिएर हिँडेका लडाकुलाई सेना समायोजन गरे मुलुकमा
लोकतन्त्र नरहने दाबी गरे । 'त्यसो भयो भने मुलुक कम्बोडिया बन्छ' उनले
भने ।
'मेरा मन्त्री शरदिसंह भण्डारी ग्रेट हुनुहुन्छ' कार्यक्रममा पर्यटन
राज्यमन्त्री शत्रुघ्नप्रसाद िसंह कोइरीले भने- उहाँसँग मेरो केही गुनासो
छैन । आफ्नो मन्त्रालय पर्यटन वर्ष २०११ सफल बनाउन लागिपरेको उनले
जानकारी दिए ।
कोइरीले मनपरी १४ वटा गणराज्य घोषणा गरेर माओवादीले जनतालाई मुर्ख बनाएको
बताए । उनले भने- मुलुकमा १४ वटा अाचल छँदैछन् तीनवटा प्रदेश छँदैछन्
जनतालाई किन झुक्काउने  उच्च संयन्त्रमा मधेसवादी मोर्चाका अध्यक्ष एवं
संविधानसभाको ठूलो दल फोरम लोकतान्त्रिकका नेता विजयकुमार गच्छदारलाई
नसमेटेकोमा उनले आपत्ति जनाए ।
कार्यक्रममा शिक्षा राज्यमन्त्री गोविन्द चौधरीले जेठ १४ मा संविधान जारी
नभए मुलुक गृहयुद्धमा फँस्ने दाबी गरे । 'समयमा संविधान जारी नहुने
स्थितिमा दलहरुले कि अन्तरिम संविधान संशोधन गर्नुपर् यो कि मुलुक
गृहयुद्धमा फँस्छ'. उनले भने । राज्यमन्त्री चौधरीले माओवादी लडाकुको
व्यवस्थापन नगरी संविधान बन्न नसक्ने स्पष्ट पारे । साथै उनले आफ्नो
मन्त्रालयमा अधिकारको बाँडफाँटमा कुनै समस्या नरहेको र मन्त्रीसँग
सन्तुष्ट रहेको बताए ।
कार्यक्रममा महिला तथा बालबालिका राज्यमन्त्री रामवचन ऐरीले लामो
संघर्षपछि मन्त्रीबाट आफ्नो टेबलमा फाइलहरु आउन थालेको बताए । उनले भने-
मुलुकमा कोही कसैसँग सन्तुष्ट हुने स्थिति छैन । मन्त्री राज्यमन्त्री र
सचिवका आआफ्ना कर्तव्य पालना गर्नुपर्ने र गल्ती भए सुधारेर अघि
बढ्नुपर्ने उनको धारणा थियो । ऐरीले प्रधानमन्त्री बन्ने होडबाजीले मुलुक
नबन्ने ठोकुवा गरे । उनले भने- नेताहरुमा त्यागको भावना छैन । अहिले उच्च
संयन्त्रका नाममा षड्यन्त्र भएको आरोप उनले लगाए ।
यस्तै उद्योग राज्यमन्त्री दानबहादुर चौधरीले मुलुकमा हिमाल पहाड र
तराईका तीन प्रदेश भए पुग्ने बताए । उनले भने- 'जनआकांक्षा पूरा गर्न
उपप्रदेशहरु थप्न सकिन्छ । '