अधिकांश ग्रामीण सडक जोखिमपूर्ण, गुल्मेली समाज बहराइन गठन

अधिकांश ग्रामीण सडक जोखिमपूर्ण

> घनश्याम गौतम / गुल्मी दर्शन
जिल्लाका अधिकांश ग्रामीण सडक प्राविधिक र सवारी सञ्चालनका दृष्टिले
जोखिमपूर्ण रहेका छन । सवारी सञ्चालनका लागि आवश्यक मापदण्ड पुरा नगरिएका
कारण यात्रुले जोखिमपूर्ण यात्रा गर्न बाध्य छन । यहाँका ३५ मध्ये २०
सडक सवारी सञ्चालनका दृष्टिले खतरायुक्त रहेको जिल्ला प्राबिधिक
कार्यालयले जनाएको हो ।
'प्राविधिक दृष्टिले सबै पक्ष पूरा भएपछि मात्र सवारी चलाउनुपर्ने भए पनि
अहिलेसम्म सवारी सञ्चालक र उपभोक्ताले चासो दिएका छैनन्,' कार्यालयका
इन्जिनियर मेघराज ज्ञवालीले भने, 'अपूर्ण सडकमा सवारी चलाउँदा
सर्वसाधारणको यात्रा बढी जोखिमपूर्ण हुने गरेको छ ।' उनले सामान्य
बाटोमा जिप चलाउन सडक कम्तीमा ४ मिटर चौडा, १२ रेडियस मोड, ७ प्रतिशत
ग्रेड हुनुपर्छ । जिल्लाका अधिकांश सडकमा ती पूर्वाधार छैनन् ।
जिपमात्र चल्न सक्ने यस्ता सडकमा भरीभराउ यात्रु राखेर बस, ट्रक र
ट्याक्टर चलिरहेका छन् । प्राविधिक रूपमा पास नभएका अधिकांश सडकमा
राजनीतिक दल, उपभोक्ता समिति र यातायात व्यवसायी समितिले सवारी सञ्चालन
गराउँदै आएका छन् । प्राविधिक कार्यालयले अहिलेसम्म कुन सडक बस, ट्रकका
लागि, कुन जिप, ट्याक्टरका लागि उपयुक्त भनेर वर्गीकरण गरेको छैन ।
जिल्लाका ठूला सडक रिडी-रुद्रवेणी- वामीटक्सार, तम्घास- छल्दी-सिमलटारी,
धुर्कोटरजस्थलदेखि हाडहाडे गाविस, ठूलापोखरा भे+mडी सडक,
ग्वाघा-त्रिवेणी-भुतर्ुङलगायत सडक अत्यन्तै जोखिम पूर्ण छन् ।
रिडीदेखि वामीटक्सार सडकको रिडी-रुद्रवेणी खण्डमा नियमित सवारी चल्न
थालेको १४ वर्षभन्दा बढी भएको छ । कच्ची, अत्यन्तै साँघुरो र तलपट्ट
िकालीगण्डकी रहेको त्यस खण्ड जिल्लाको सबैभन्दा व्यस्त सडक हो ।
त्यस्तै जिल्लाको अर्को ठूलो कच्ची सडक तम्घास सिमलटारीको तम्घासदेखि
छल्दी खोलासम्मको सडक पनि अति नै जोखिमपूर्ण छ । उक्त सडकमा दिनहुँ
जोखिम मोल्दै एक दर्जन सवारी ओहोरदोहोर गर्ने गरेका छन् । यातायात
व्यवसायीले सवारी सञ्चालन गनर्ुपूर्व जिविस वा प्राविधिक कार्यालयबाट
स्वीकृति लिनुपर्ने भए पनि अहिलेसम्म त्यसो हुन सकेको छैन । बरु
व्यवसायीले सडक निरीक्षणका लागि व्यवसायी मात्र संलग्न गरेर समिति
बनाउने गरेका छन् ।

गुल्मेली समाज बहराइन गठन

-"निराश बिरही" रेशम थापा, बहराइन/
बहराइनमा बसोबास गर्दै आएका गुल्मेलिहरुको एक भेलाले गुल्मेली समाज
बहराइन गठन गरेको छ । जागिर तथा ब्यवसायको सिल्सिलामा बहराइनमा
बसिरहनुभएका गुल्मेलिहरुको उम अल हस्सन भन्ने ठाँउमा बसेको भेलाले
गुल्मेली समाज बहराइन गठन गरेको हो । सभापति देउ प्रसाद पुनले दीप
प्रज्वलन गरी कार्यक्रम सुरु गर्नु भएको थियो । करिब ५० जना
गुल्मेलीहरुको उपस्थिती रहेको उक्त कार्यक्रममा पुनले समाजको निती नियम,
बिधान, समाजका उद्देश्यहरु तथा भावी कार्यक्रमहरु प्रस्तुत गर्नुभएको
थियो । "हामी गुल्मेलिहरु रोजगारिको सिलसिलामा आफ्नो जिल्ला र देश छोडि
बिदेशी भुमिमा पसिना बगाउनु परेपनी आफ्नो गाउँ ठाउँलाई कहिले पनि भुल्नु
हुन्न, हामी अझ एकत्रित भएर आफ्नो गाउँ ठाउँको बिकासको लागि सक्दो
प्रयास गर्नुपर्छ", पुनले बताउनुभयो । बहराइनमा करिब ३ देखी ४ सयको
हाराहारिमा गुल्मेलिहरु रहेका तर सुचनाको अभाव तथा ब्यस्तताले गर्दा
सबैजना उपस्थित हुन भने सकेका थिएनन । प्रथम भेलामा उपस्थित हुन नसक्नु
भएका सबै गुल्मेली मित्रहरुलाई पनि समेटेर आगामी दिनमा सबै गुल्मेलिको
सुख-दु:खमा हातमा हात मिलाउदै जाने कुरा पनि उपस्थित महानुभावहरुले
बताउनुभएको थियो ।