चिसो सिरेटोका कारण आईतबार ४ जनाको ज्यान गयो

वीरगंज १९ पुस । विगत केही दिनदेखि बाक्लो हुस्सोसंग चलेको चिसो सिरेटोका कारण मध्य तथा पूर्वी तराईमा जाडोले कठ्यांग्रीएर आईतबार ४ जनाको ज्यान गएको छ ।

चिसोका कारण कठ्यांगि्रएर बाराको गञ्जभवानीपुर-२ की ४८ वषिर्या फुलमती देवी वीरगंज-१८ का ६० वषिर्य जयसिंह राउत रहेका छन् ।

बाक्लो हुस्सोसंगै चलेको चिसो शितलहरले मध्य तराईको बारा, पर्सा र रौतहटमा कोल्ड डायरिया, निमुनिया, रुघाखोकी, दमलगायतका रोगबाट ग्रसित विरामीहरुको अस्पतालमा भिड लागेको छ ।

चिसोका कारण वृद्धवृद्धा र बालबालिकाहरु बढी प्रभावित भएका छन भने बजारमा सर्वसाधरणको चहल पहल निक्कै कम भएको छ ।

चिसो बढेका कारण बीरगन्जका शिक्षणस्ंथाहरुमा पनि विधार्थीहरुको उपस्थिती न्यून रहेको छ भने दैनिक मजदुरी गरेर गुजारा चलाउने रिक्सा, ठेला चालकहरुलाइ निक्कै अप्ठयारो परेको छ ।

बाक्लो हुस्सुका कारण भिजिविलिटी कम भएका कारण सडकमा गुड्ने सार्वजनिक सवारीसाधन पनि पातलीएका छन् । त्यस्तै विगत चार दिन देखि लागेको बाक्लो हुस्सुका कारण बाराको सिमरा विमानस्थलमा हवाइ उडान पनि प्रभावित भएको छ ।

विमान अवतरणका लागि १२ फिट माथि आकाशबाट धावन मार्ग देखिनुपर्नेमा बाक्लो कुहिरोका कारण देख्न नसकिने भएकाले आईतबार पनि उडान ठप्प हुने विमानस्थल प्रमुख विक्रम गौतमले बताउनुभयो ।

मौसम विमान विभागका अनुसार आज सीमरामा आजको तापक्रम न्यूनत्तम ५ डिग्री सेल्सियस र अधिकत्तम ११ डिग्री सेल्सियस रहेको छ।खराब मौसमका कारण हिजो पनि सातवटै हवाई उडान ठप्प हुन पुगेको थियो ।

यस्तै बाक्लो हुस्सोसंगै चलेको शितलहरका कारण सप्तरीमा २ जनाको ज्यान गएको छ । यो संगै सप्तरीमा चिसोले कठ्यांगि्रएर मृत्यु हुनेको संख्या ८ पुगेको छ ।

मृत्यु हुनेमा कटैया गाविस-१ निवासी ४५ वर्षिया चुकनीदेवी मलाह र राजविराज नगरपालिका-३ निवासी ६० वर्षिया बुछकीदेवी साह रहेका छन् ।

अत्यधिक चिसोका कारण बिरामी परेकी मलाहाको आईतबार बिहान मृत्यु भएको छ भने साहको गएराति मृत्यु भएको स्थानीय बासिन्दले बताएका छन् ।- अनलाइनखबर