काठमाडौं, १२ मंसिर । साप्ताहिक विमर्शका प्रधान सम्पादक राजेन्द्र उपचारकले आज प्रकाशित प्रेस काउन्सिल नेपालको वर्गीकरणप्रति असन्तुष्टि जाहेर गर्दै आमरण अनसनको घोषणा गरेका छन्। आज एक प्रेस विज्ञप्ति जारी गरी पत्रकारिताको पेशागत उच्चतम आचरण कायम राखी स्वस्थ, स्वतन्त्र र उत्तरदायी पत्रकारिताको विकास तथा सर्म्वर्धनका लागि भनी स्थापित प्रेस काउन्सिलबाटै ३९ वर्षो लामो इतिहास बोकेको पत्रिका विमर्शमाथि भएको र गरिएको अन्यायपूर्ण एवं विभेदपूर्ण व्यवहारविरुद्ध आमरण अनशन बस्ने घोषणा गरेका छन्। प्रेस विज्ञप्तिमा साप्ताहिक-पाक्षिक पत्रिका राष्ट्रिय सञ्जालको निर्देशनमा प्रेस काउन्सिलले वर्गीकरणबाटै हटाउने, विमर्शका प्रधानसम्पादकको प्रेस प्रतिनिधि प्रमाणपत्रसमेत निलम्बन गर्न शिफारिस गर्ने निर्यायबाट नियम-कानुन र विधिको शासनको ठाडो उल्लघंन भएको ठहर गर्दै आमरण अनशनजस्तो अहिंसात्मक कदम उठाउन बाध्य भएको उल्लेख छ। विज्ञप्तिमा उल्लेख छ -पत्रिकामा प्रकाशित समाचारलाई लिएर कोहीकसैको चित्त नबुझे वा आपत्ति रहे सम्बन्धित संस्थामा गुनासो, खण्डन वा स्पष्टीकरण पठाउने पत्रकार आचारसंहिता-२०६० - संशोधित २०६४...