वीरगंज, १४ असार । आज बिहान सिन्धुपाल्चोकको फुल्पिङकट्टी-झिर्पु सडकखण्डमा ना.२.ख.३३७८ नं.को बस दुर्घटना हुंदा ५ यात्री घाइते भएका छन्। घाइतेको बाह्रबीसेमा उपचार भइरहेको छ भने चालक फरार रहेको प्रहरीले जनाएको छ।
चितवनको दारेचोक-९ नजिकै बिहान ना.३.ख.६५१० नं.को माइक्रो र ना.३.ख.५८९५ नं.को ट्रक एक आपसमा ठोक्किदा १२ जना घाइते भएका छन् । घाइतेको भरतपुरमा उपचार भइरहेको छ।
सिन्धुलीको चटपटेचोकमा आइतवार बिहान विद्यार्थीले ४५ प्रतिशत भाडा छुटको मांग राख्दै चक्काजाम गरेका थिए भने महोत्तरीको सरपल्लो गाउं परिषदको बैठकमा सचिव नआएको बिषयलाई लिएर स्थानीयवासीले गरेको चक्काजाम आइतवार पनि जारी नै रहेको छ।
Comments
Post a Comment