बीरगञ्ज, २६ पुस । इण्डो-नेपाल ट्वान्टी ट्वान्टी अन्तर्रर्ाा्रय क्रिकेट प्रतियोगिता अर्न्तर्गत आज भएको खेलमा बीरगन्ज क्रिकेट एकेडेमी र बाराको कलैया क्रिकेट टोली विजयी भएको छ। आदर्शगर रंगशालामा भएको पहिलो खेलमा भारतको लखनउलाई बीरगन्जको वीक्रिएले १०० रनको विशाल अन्तरले पराजित गरेको थियो। १८५ रनको लक्ष्यसहित जवाफी ब्याटिङमा उत्रिएको लखनउ १४ ओभर तीन बलमै अलआउट भएपछि बीरगंजले खेल जितेको हो । यसअघि टस हारेर पहिले ब्याटिङ गरेको बीरगन्जले पुरा २० ओभरमा ४ विकेटको क्षतिमा एक सय ८४ रन बनाएको थियो। बीरगन्जका लागि आकाश परियारले ५६, पुनित थापाले ३९ र सन्तोष साहले ३७ रनको योगदान दिएका हुन्। प्रतियोगिताको म्यान अफ दि म्याच सन्तोष साह भएका थिए। दोश्रो खेलमा भारतको दिल्लीलाई बाराको कलैयाले ९ विकेटको फराकिलो अन्तरले पराजित गरेको थियो। दिल्लीले दिएको ५१ रनको विजय लक्ष्य कलैयाले केवल एक विकेटको क्षतिमा पुरा गरेको थियो। टस जितेर ब्याटिङमा उत्रिएको दिल्ली ५० रनमै सीमित भएका थिए। नेपालको कलैयाका विनय साह दोश्रो खेलको म्यान आफ दी म्याच घोषित भएका थिए।