वीरगंज, २० असार । मणी एभरी स्टोन उद्योग, वीरगंजले आज रिपोर्टस क्लब नेपाल पर्सामा एक पत्रकार सम्मेलन गरी रौतहट, गरुडास्थित जयसवाल एभरी स्टोन उद्योगले आफनो टे्रडमार्क चोरी गरी नक्कली चक्की पत्थर उत्पादन गरेको भन्दै क्षतिपूर्तिको मांग गरेका छन्। मणी एभरी स्टोन उद्योग, वीरगंजका प्रोप्राइटर अध्यानन्दप्रसाद कलवारले पत्रकारमा बोल्दै सो उद्योगले टे्रडमार्क दर्ता नगराइ चोरी गरी जयसवाल एभरी स्टोन उद्योग संचालन गरेकोमा सो उद्योग बन्द गर्न गरे। जयसवाल एभरी स्टोनद्वारा उत्पादित नक्कली गुणस्तरहीन चक्की पत्थर नेपालको विभिन्न स्थानमा बिक्री वितरण भइरहेको भन्दै तत्काल सो सामान जफत गरी उद्योगलाइ कारबाही गर्न मांग गरे।