वीरगंज, १३ भदौ । अस्पतालका चिकित्सकलाई कुटपिट गरेको विरोधमा आज दोश्रो दिन पनि वीरगंजको सम्पूर्ण निजी तथा सरकारी अस्पतालको इमर्जेन्सी तथा बहिरंग सेवा ठप्प भएको छ भने अधिकांश प्राइवेट क्लिनिक पनि अनिश्चितकालीन बन्द भएको छ । वीरगंज-२ का राजदेव चौरसियाले आफनो बच्चालाई उपचारका लागि नारायणी उपक्षेत्रीय अस्पतालमा ल्याउँदा इमरजेन्सीमा रहेका चिकित्सक पप्पु जैसवालले विरामीलाई नहेरेपछि चौरसियाले बिरामीलाई एएमसी अस्पतालमा उपचार गराउन लगेको केही बेरपछि १५-२० जनाको समूहमा आएको व्यक्तिहरुले नारायणी उपक्षँेत्रीय अस्पतालका चिकित्सक पप्पु जैसवाललाई कुटपिट गरेका हुन्। सो घटनाको विरोध गर्दै वीरगंजभरिका चिकित्सकहरुले आज दोश्रो दिन पनि नारायणी उपक्षेत्रीय अस्पताल तथा निजी अस्पतालको इमर्जेन्सी तथा बहिरंग सेवा बन्द गरेका हुन् । चिकित्सकहरुले प्राइभेट क्लिनिक समेत अनिश्चितकालीन बन्द गरेपछि सेवाग्रहीहरु मर्कामा परेका छन्।