BIRGUNJ TODAY

वीरगंज, २३ साउन । पर्साको बाढी पीडित केही गाविसमा राहत सामग्री वितरण गरिएको छ। आज दिव्य युवा क्लब र युएसआइडीको सहयोगमा आयोजित प्रकोप उद्धार सामग्री वितरण कार्यक्रममा पर्साका सहायक प्रमुख जिल्ला अधिकारी बलबहादुर मल्लले प्रकोप उद्धार समितिका अध्यक्ष विनोद साहलाई राहत सामग्री हस्तान्तरण गरेका हुन्।

वीरगंज, २३ साउन । बालकलाइ अपहरण गरेको आरोपमा प्रहरीले दुइजनालाइ रंगेहात पक्राउ गरेको छ । आज बिहान पर्साको मसिहानीबाट अपहरित बालक राहुलकुमार सोनारसहित अपहरणमा संलग्न रहेको आरोपमा प्रहरीले मसिहानी- ६ बस्ने दिना सहनी र सुर्जाहा-८ बस्ने जोखु सहनीलाइ पक्राउ गरेको प्राप्त जानकारीमा उल्लेख छ । बालकका पिता वीरगंज निवासी गोपालप्रसाद सोनार सहित इलाका प्रहरी कार्यालय पोखरियाबाट खटि गएको प्रहरीले टोलीले मदुअवा गाउंमा पुगेर घरमा छापामारी गरिएपछि बालक मात्र फेला परेको थियो। छापामारीको क्रममा ती दुवैलाइ प्रहरीले पक्राउ गरेको र द्वयको बारेमा थप अनुसन्धान भइरहेको प्रहरीले जनाएको छ।

वीरगंज, २३ साउन । नहरमा डुबेर एक बालक मृत्यु भएको छ। आज बिहान बारा, स्रि्रौनगढको नहरमा उचीडिह-४ निवासी चन्देश्वरप्रसाद साहको ९ वर्षीय छोरा राजबाबु साह नहरमा डुबेर मृत अवस्थामा फेला परेको प्रहरीले जनाएको छ।

वीरगंज, २३ साउन । भूमिसुधार तथा व्यवस्था मन्त्री डम्बर श्रेष्ठले असहज समयमा माओवादीले आन्दोलन गरेमा सरकार चुप लागेर नबस्ने चेतावनी दिएका छन्। आज रिपोर्टस क्लब नेपाल पर्साको साक्ष्ँात्कारमा बोल्दै उनले भने माओवादीले देशमा दुर्घटना निम्त्याउन खोज्दैछ। मन्त्री श्रेष्ठले हिन्दी भाषालाइ नेपालको सर्म्पर्क भाषा बनाइयो भने सबैभन्दा बढी मर्का भोजपुरी र मैथिली भाषालाई पर्ने दाबी गरे। भारतमा सबैलाइ हिन्दी भाषा बोल्न नरुचाउने भन्दै बंगाल र चेन्नइ प्रान्तमा हिन्दी भाषाको वर्चस्व नभएको बताए। उनले संविधानले निर्धारण गरेको परिधिभित्र रहेर समस्या समाधान गर्न उपराष्ट्रपति परमानन्द झालाई सुझाव दिए। रिपोर्टस क्लब नेपाल पर्साका अध्यक्ष कन्हैया गुप्ताको सभापतित्वमा सो कार्यक्रम सम्पन्न भएको थियो ।

मकवानपुर, २३ साउन । बम विस्फोटका घाइतेहरुलाइ क्षतिपुर्ति उपलब्ध नगराएको विरोधमा पीडित पक्ष्ँले आज बिहानैदेखि जिल्ला प्रशासन कार्यालयको गेटमा चक्काजाम गरेका थिए। प्रदर्शनकारीले पीडित परिवारलाइ उचित क्षतिपुर्ति र दोषीलाइ कारबाहीको मांग गर्दै प्रदर्शन गरेका हुन्। गत साउन १८ गते भैरव डांडा निवासी शंकर सिलवालको घरमा अज्ञात समूहले बम विस्फोटन गराउंदा ३ जना घाइते भएका थिए।

वीरगंज, २३ साउन । महंगी नियन्त्रण गर्न मांग गर्दै अखिल नेपाल मजदूर संघ मकवानपुरले रिक्सामा विरोध जुलुस प्रदर्शन गरेका छन्। आज बिहान हेटौडा-४ बाट मजदूर संघका अध्यक्ष कृष्ण रेग्मीको नेतृत्वमा निस्किएको विरोध जुलुसले महंगी नियन्त्रण र राशन कार्डको मांग गर्दै नगर परिक्रमा गरेका थिए। रयालीपछि आयोजित कोणसभामा मजदूर नेताले सम्बोधन गरेको प्राप्त जानकारीमा उल्लेख छ।

पोखरा, साउन २३ । झाडापखाला नियन्त्रण तथा अनुगमन का लागी मध्यपश्चिम का जिल्ला हरु को भ्रमण मा निस्किएका स्वास्थ मन्त्री उमाकान्त चौधरी सहित को टोली पोखरा बिमानस्थल मा बिहिबार देखी अत्रपत्र परेको छ । बिहिबार मध्यन्न सो टोली पोखरा बिमानस्थल मा इन्धन भर्न उत्रिए लगत्तै प्रतिकुल मौसम का कारण हेलिकप्टर उडन सकेन । सो टोली मा कांग्रेस संसदिय दल का नेता रामचन्द्र पौडेल,एनेकपा माओबादी का पोलिटब्युरो सदस्य खडग बहादुर बिश्वकर्मा,नेकपा एमाले नेता रामनाथ ढकाल ,राजधानी बाट ल्याइएका पत्रकार हरु को टोली सहित २२ जना रहेको छ । यसै बिच स्वास्थ्यमन्त्री उमाकान्त चौधरीले विगत सरकारको त्रुटीका कारण झाडापखाला महामारीका रुपमा फैलिएको बताएका छन् । रिपोर्टर्स क्लब नेपाल कास्की ले पोखरा मा आयोजना गरेकोे साक्षात्कारमा बोल्दै मध्यपश्चिममा झाडापखाला देखिएलगत्तै आवश्यक कदम नचाल्दा फैलन पाएको बताएका हुन् । 'झाडापखाला शुरु हुदा यो सरकार बनेकै थिएन,' सरकार झाडापखाला रोक्न गम्भीर नभएको प्रश्नमा भने,'रोग शुरु भएको थाहा हुादा बेवास्ता हुादा महामारी बन्यो ।' वर्तमान सरकार रोग प्रभावित क्षेत्रमा रोग नियन्त्रण

वीरगंज, २३ साउन । नेशनल मेडिकल कलेज शिक्षण अस्पतालमा आज पनि आन्दोलनरत मजदूरहरूले धर्ना जारी राखेका छन् । नेशनल मेडिकल कलेजका ३ जना कर्मचारीहरूलाई हटाएकोमा पुनरवहाली गर्नु पर्ने मांग राख्दै उनीहरूले विगत केही दिनदेखि धर्ना दिंदै आइरहेका छन्।

वीरगंज, २३ साउन । सडक मर्मत गर्न मांग गर्दै वीरगंज-जीतपुर सडकखण्डमा स्थानीयवासीले चक्काजाम गरेका थिए। आज बिहान परवानीपुरको लिपनी विर्ता नजिकै स्थानीयवासीले सडक अवरुद्ध गरेका हुन्।उनीहरुले सडक मर्मत नगरेपछि दुर्घटनामा वृद्धि भएको बताएका छन्। यसैगरी गए राति ९ बजे बाराको बहुअरी नजिकै ना.१प ३८४४ नं. को मोटरसाइकलको ठक्करबाट बाराको नौतन-८ बस्ने सुशिला देवी, संगीता देवी, गलगी देवी र मोटरसाइकल चालक सोही ठाउं वडा नं.-७ बस्ने राजेश महत्तो, वीरगंज-१४ बस्ने सियाराम प्रसाद घाइते भएका छन्। घाइतेहरुको नारायणी उपक्षेत्रीय अस्पताल वीरगंजमा उपचार भइरहेको छ।

राष्ट्रपतिको कदम सच्याउनुपर्ने मागमा कुनै सम्झौता नहुने, आन्दोलन जनविद्रोहमा परीणत हुन सक्ने चेतावनि पोखरा साउन २३ एकिकृत माओवादीका अध्यक्ष पुष्पकमल दाहाल प्रचण्डले आजदेखि शुरु हुने माओवादी आन्दोलन जनविद्रोहमा परीणत हुने चेतावनि दिनु भएको छ । नागरीक सर्वोच्चताको विषयमा उठाएको मागको बारेमा कुनै सम्झौता नहुने स्पष्ट पार्दै माओवादी अध्यक्ष प्रचण्डले राष्ट्रपतिको कदमको विषयमा सदनमा छलफल गरौं भन्ने सामान्य कुरा नमानेर देशमा मुठभेड निम्त्याउन खोजिएको बताउनु भयो । आज पोखरामा माओवादी तमुवान राज्य समितिले आयोजना गरेको पत्रकार भेटघाटमा बोल्दै पूर्व प्रधानमन्त्री प्रचण्डले आन्दोलन शान्तिपूर्ण हुने जानकारी दिनुभयो । "माओवादी आन्दोलन शान्तिपूर्ण र जनतालाई दुःख नदिने प्रकृतिका छन्" उहाँले भन्नुभयो : "यही आन्दोलनलाई जनताले जनव्रि्रोहमा परीणत पनि गर्न सक्छन् ।" प्रचण्डले आफु फेरी जनसेनाको सुप्रिम कमाण्डर भएको, माओवादीले स्थानिय सत्ता बिउँझाएको लगाएताका झुट्टा कुराको हल्ला चालाएर माओवादीलाई फेरी युद्धमा फर्काउने षडयन्त्र भईरहेको भन्दै माओवादीले त्यस्तो षडयन्त्रलाई असफल पार्ने दावि

(पोखरा साउन २३ गते)पोखरा उद्योग बाणिज्य संघ र याचडब्लुके माइन्स जर्मनको आयोजनामा आज देखि पोखराको प्रदर्शनी केन्द्रमा बृक्षारोपण गर्न सुरुवात गरीएको छ । कार्यक्रमका प्रमुख अतिथि पोखरा उद्योग बाणिज्य संघका पूर्व अध्यक्ष तथा मानार्थ सदस्य असोक पालिखेले बिरुवा रोपेर बृक्षारोपण कार्यक्रमको उद्घाटन गर्नू भएको हो ।वार्तावरणमा पर्न गएको प्रदुषणलाई न्युनिकरण गर्न तथा वातावरणलाई हराहरा बनाउन पोखराको प्रदशनी केन्द्रमा बृक्षारोपण गर्न लागेको संघका अध्यक्ष मानकाजी माकाजुले बताउनु भएको छ । आज मात्र असोकाका ५० वटा कल्कीका १५ र सफेदका १५ गरी जम्मा ८० वटा बिरुवा रोपिएको छ । पोखरा प्रदशनी केन्द्रको किनारामा करीब २ सय वटा बिरुवाहरु रोप्ने लक्ष्य भएको संघका महासचिब कृष्ण मोहन श्रेष्ठले बताउनु भयो । बृक्षारोपण कार्यक्रंममा संघका पूर्व अध्यक्ष, सदस्य, तथा प्रतिनिधिहरुको सहभागिता रहेको थियो । पोखरा उपत्यका नगरविकास समितिसंग ३० बर्षको लागि भाडामा लिएकोले पोखरा उद्योग बाणिज्य संघले स्टेज निर्माण गरेको छ भने अब सचिवालय निर्माण गर्ने भएको छ त्यसैगरी सौचालयलाई ब्यबस्थीत गर्ने भएको छ ।