-सुभाषप्रसाद साह । बारा, ३१ जेठ । बाराको कोल्हबी स्थित अनुपदिपनी उच्च माबिमा अध्ययनरत बिद्यार्थीहरुमध्ये बिभिन्न बिद्यामा उत्कृष्ट ४८ विद्यार्थीलाइ आज पुरस्कार बितरण गरिएको छ। कक्षा एक देखी कक्षा नौ सम्मका प्रथम, द्वितीय र तृतीय तथा सरसफाइ एवं अनुशासनमा राम्रो गरेका ४८ जनालाई पुरस्कार दिइएको हो। बिद्यालय व्यवस्थापन समितिका अध्यक्ष राजाराम चौधरीको अध्यक्षतामा बिद्यालयमा आयोजित एक कार्यक्रमका बीच उनीहरुलाई सम्मान गरिएको स्थानीय गोबिन्द पौडेलले बताए। सभालाई बिद्यालयका प्राचार्य केवलप्रसाद चौधरीले सम्बोधन गर्दै ग्रामिण स्तरको यस बिद्यालयलाई जिल्लाकै उत्कृष्ट बिद्यालय बनाउँ लागि परेको तथा त्यस कार्यमा सबै अभिभावक, बिद्यार्थी तथा शिक्षा प्रेमीले सहयोग गर्नु पर्ने बताए । सभालाई बृजलाल काफले, कपिलदेव चौधरी लगायतकाले सम्बोधन गरेका थिए।