काठमाडौं, ४ साउन। गृहराज्यमन्त्री रिजवान अन्सारीले अपराधिक गतिविधिमा सक्रियलाई संरक्षण गर्नेहरुमाथि कडा नीति अबलम्बन गर्ने बताएका छन्। आज मधेश तर्राई फोरमले रिपोर्र्टर्स क्लब नेपालमा आयोजना गरेको अर्न्तक्रियामा बोल्दै शान्तिसुरक्षाको कर्डाईका लागि पालना गर्न गराउन सरकारले कुनै कसर बाँकी नराख्ने बताए। अपराधीलाई खोजी खोजी कानुन बमोजिम सजाय दिनेछौं, राज्यमन्त्री अन्सारीले भने, अपराधीलाई संरक्षण दिनेहरुमाथि पनि कडा नीति अख्तियार गरिनेछ। अपराधीहरु संरक्षणकै कारण दण्डहीनता बढेको भन्दै त्यस्तो नगर्न चेतावनी दिए। र् वर्तमान सरकारले शान्ति प्रक्रिया तार्किक निष्कर्षा पुर्याएरै छाड्ने बताए। प्रदेशहरुको संरचनाको टुंगो कसैले लादेको भरमा भन्दा छलफलबाट टुंगोमा पुगिने बताए। मधेशको अधिकार स्थापित गर्न सरकार गम्भीर भएको बताए। सभासद बबन सिंहले सरकारकै कारण अपराधिक गतिविधि बढेको आरोप लगाए। सीमा क्षेत्रमा प्रहरी प्रशासनको मिलेमतोमा अपराधिक कामहरु हुनेगरेको भन्दै राज्य आफै जनतालाई त्रसित बनाउन सक्रिय भएको टिप्पणी गरे। आफूलाई राज्यले असुरक्षित बनाइरहेको उनको आरोप थियो। मधेशका गरिब जनतामाथि अन्याय भइरहेको