बीरगंज १८ असोज । बाारका पत्रकार वीरेन्द्र साहको आजकै दिन हत्या भएको विरोधमा नेपाल पत्रकार महासंघ बाराले कालो दिवस मनाएका छन्। आज बाराली संचारकर्मीहरुले हातमा कालोपट्टी बांधेर कालो विरोध प्रदर्शन गरे। एकिकृत नेकपा माओवादीले पत्रकार साहको दुइ वर्ष अघि अपहरण गरी हत्या गरेको बिरोधमा आजको दिनलाई कालो दिवशको रुपमा मनाइएको पत्रकार महासंघ बाराका अध्यक्ष गुरुप्रसाद गौतमले बताए। साहको हत्याका संलग्नहरुलाइ प्रहरीले हालसम्म पक्राउ गर्न सकेको छैन।