काठमाडौं, साउन १७ । चाबहिलको आव्हान समूहले एसएलसी परीक्षामा प्रथम श्रेणीमा उत्तीर्ण हुने तीन सय विद्यार्थीलाई पुरस्कृत गरेको छ । आज राजधानीमा कार्यक्रम आयोजना गरी चावहिल क्षेत्रका विद्यार्थीलाई पुरस्कृत गर्नुका साथै सम्मान गरेको हो । वरिष्ठ चिकित्सक तथा समाजसेवी डा.गौरीशंकरलाल दासले प्रमुख अतिथिका रुपमा सम्मान गरेका हुन् । आव्हान समूहका अध्यक्ष रमेशनाथ श्रेष्ठको सभापतित्व र सदस्य प्रज्ववल आचार्यको संयोजकत्वमा आयोजित कार्यक्रममा ९२.३८ प्रतिशत ल्याउने अरुणिमा उच्च माविका शैलेश पाठक, ९०.३८ ल्याउने हिलारी माविका आशिष कार्की, र ८९ प्रतिशत ल्याउने अरुणिमा उच्च माविका शास्वत भट्टर्राईलाई प्रथम, द्वितीय र तृतीय पुरस्कारस्वरुप आर्थिक पुरस्कारसहित सम्मान गरिएको थियो । छात्रतर्फश्री श्रम राष्ट्रिय माविका विनोद परियार र छात्रातर्फविद्याकला सुनुवारलाई पुरस्कृत गरिएको थिो । उत्कृष्ट १५ विद्यार्थीहरुलाई दश जोड दुइ अध्ययनका लागि पूर्ण छात्रवृत्ति समेत प्रदान गरिएको छ । वि.सं २०४६ सालमा स्थापित भई कला, साहित्य र समाजसेवामा समर्पित आव्हान समूहले आव्हान एसएलसी पुरस्कार विगत १६ वर्षेखि निरन्तर प्रदान गर