वीरगंज, ५ असार । गत तीन दिनदेखि आन्दोलनमा उत्रिएका भन्सार एरिया सुधार संघर्ष समितिले चार बुंदे सहमतिपछि आन्दोलन फिर्ता लिएका छन्। आज वीरगंज उद्योग वाणिज्य संघको सभाकक्षमा आन्दोलन संयोजक/प्रतिनिधि, सडक विभागका प्रतिनिधि, भन्सार क्लियरिङ एजेन्ट संघका प्रतिनिधि र वीरगंज उद्योग वाणिज्य संघका अध्यक्ष तथा पदाधिकारीहरुको संयुक्त बैठकमा चार बुंदे सहमतिपछि अनिश्चितकालीन चक्काजाम स्थगन गर्ने सहमति भयो। सडक विभागले असार ६ गते देखि नै सडक कार्य प्रारम्भ गर्ने प्रतिबद्धता व्यक्त गरेको हुंदा ५ दिनसम्म चक्काजाम स्थगन गर्ने, भंसार एरियामा गरिनुपर्ने सुधार कार्यलाई अगाडि बढाउन सडक विभाग, नगरपालिका, जिल्ला प्रशासन कार्यालय, ट्राफिक प्रहरी कार्यालय, वीरगंज भंसार कार्यालय, नेपाल विद्युत प्राधिकरण, नेपाल दूर संचार कार्यालय, भंसार क्लियरिङ एजेन्ट संघ, वीरगंज उद्योग वाणिज्य संघ र नयां जनसेवक युवा क्लब समेतको सहभागितामा एक कार्यदल गठन गर्ने, विजुली बत्ती तथा ढल निर्माण कार्यको लागि भंसार एरिया सुधार संघर्ष समिति र वीरगंज उद्योग वाणिज्य संघ समेत सहभागी भइ असार ७ गने वीरगंज उपमहानगरपालिका कार्यालयमा डेलिगेशन