BIRGUNJ TODAY

वीरगंज १० भदौ । महिलालाई स्वरोजगार बनाउने उद्देश्यसहित लायन्स क्लब वीरगंजले निशुल्क तीन महिने सिलाइ कटाइ तालिम आरम्भ गरेको छ। आज एक समारोहबीच संजय खेतानले तालिमको उदघाटन गरेका हुन्। वीरगंजका विभिन्न वडाका ६१ जना महिलाहरुको सहभागिता रहेको सो तालिम दुइ चरणमा हुनेछ।

काठमाडौं, १० भदौं । उत्सर्ग प्रकाशन प्रा।लि अन्तर्गत गठित अखिल नेपाल साचार तथा छापखाना प्रकाशन मजदुर संघ उत्सर्ग राजधानी इकाई प्रा।लिको घोषणा सभा मंगलबार सम्पन्न भएको छ । प्रकाशन गृहको मेल गेटमै सम्पन्न उक्त सभाले कैलास रोकाको अध्यक्षतामा ११ सदस्यीय कार्यसमिति घोषणा गर् यो । सभाले मजदुर कर्मचारी एवं श्रमजिवी पत्रकारहरुका साझा माग पुरा गराउन संघर्षको घोषण पनि गरेको छ । जवर्जस्त करारपत्र भिराउने व्यवस्थापन पक्षको रवैया सम्पूर्ण श्रमजीवी कर्मचारी एवं मजदुरहरुलाई शोषण गर्ने शैलीको निरन्तरता भएको ठहर गर्दै भेलाले त्यसको विकल्प संघर्ष बाहेक अरु हुनै नसक्ने बताएको छ । साथै श्रमजिवी पत्रकार कर्मचारी एवं मजदुरहरुको अधिकारका लागि संघर्ष जारी राख्ने प्रतिवद्धता पनि सभाले व्यक्त गरेको छ । सभामा संगठनका पदाधिकारीहरुले सामुहिक रुपमा मजदुर आन्दोलनलाई निणार्यक बनाएरै छाड्ने प्रतिवद्धता व्यक्त गरेका थिए ।सभाको उद्घाटन गर्दै अखिल नेपाल टे्रड युनियन महासंघ ललितपुर जिल्ला समन्वय समिति सदस्य एवं माओवादी नेवा राज्य समिति सदस्य रुपक गुरुङले राजधानी दैनिकमा कार्यरत श्रमजिवी पत्रकार एवं सम्पूर्ण कर्मचारीहरुले

वीरगंज १० भदौ । जिल्ला प्रहरी कार्यालय पर्साका एसपी सुबोध घिमिरेलाइ असल आचरणको कदर स्वरुप सम्मान गरिएको छ। आज स्नेही नेपालका कोषाध्यक्ष नेहा पौडेलले एक कार्यक्रमबीच एसपी घिमिरेलाइ मायांको चिनो प्रदान गरेको हो। कार्यक्रमलाइ सम्बोधन गर्दै एसपी घिमिरेले एसपी घिमिरेले जिल्लाको आवश्यकतालाई बुझेर सवै पक्षबाट सहयोग पाउने बताए। कार्यक्रममा सुदर्शनराज पाण्डे र कृष्ण उदास खनाल लगायतको उपस्थिति थियो। नौ महिनादेखि जिल्ला प्रहरी कार्यालय पर्साको प्रहरी उपरीक्षक पदमा कार्यरत घिमिरे कार्य सम्पादन सन्तोषजनक भएको भन्दै स्नेही नेपालले सम्मान गरेको हो।

धनुषा १० भदौ । एनेकपा माओवादीका कार्यकर्ताको हत्याको विरोधमा धनुषा बन्द भएको छ। आज बिहान माओवादी कार्यकर्ताले बजार बन्द तथा सवारीसाधन ठप्प पारेपछि त्यहांको जनजीवन प्रभावित भएको हो। गत साउन ८ गते सतोखर -१ बस्ने २६ वर्षीय वीरेन्द्र रायलाइ केही समूहले कुटपिट गरी हत्या गरेपछि माओवादीले धनुषा बन्दको आह्वान गरेको प्रहरीले जनाएको छ।

-रमन गिरी- पोखरा १० भदौ । नेपाल पत्रकार महासँघ कास्कीको आठौ साधारणसभा भदौ २३ गते हुने भएको छ। सूचना तथा साचारमन्त्री शंखर पोख्रेलको प्रमुख आतिथ्यतामा साधरण सभा हुने नेपाल पत्रकार महासंघ कास्की सदस्य रमन गिरीले बताउनुभयो। जिल्ला विकास समिति कास्कीको सभाहलमा हुने साधरण सभामा महासँघका अध्यक्षले बार्षिक तथा कोषाध्यक्षले आर्थिक प्रतिवेदन प्रस्तुत गर्नुहुनेछ। साधरण सभामा नेपाल पत्रकार महासँघ कास्कीमा आवद्ध करिब १ सय ८० साधारणसभा सहित केन्द्रिय अध्यक्ष धर्मेन्द्र झालगायत कार्यसमितिको सहभागिता हुनेछ।

-रमन गिरी- पोखरा १० भदौ । गिद्ध संरक्षण दिवसको अवसरमा पोखरामा लोपहुन लागेका बिभिन्न प्रजातिका गिद्धको फोटो प्रर्दशन गरिने भएको छ। गिद्धको संरक्षण गर्ने उद्देश्यले स्थापित एनिमल राइटसको आयोजना तथा नेपाल पत्रकार महासँघ कास्कीको सहयोगमा पोखरामा गिद्धको फोटो प्रदर्शन गर्न लागिएको हो । प्रदर्शनी भदौ २० गते पोखराको उद्योग बाणिज्य सँघको हलमा हुनेछ। प्रदर्शनीमा पोखराका पत्रकार कृष्णमणि बरालले पोखरा र आसपासका क्षेत्रमा खिचेका बिभिन्न पोजका ५५ वटा फोटो राखिने छ। त्यस्तै चितवनमा रहेको गिद्ध रेष्टुरेण्टमा रहेका गिद्धका फोटो पनि राखिने नेपाल पत्रकार महासंघ कास्की सदस्य रमन गिरीले बताउनुभयो। नेपालमा लोपोन्मुख सानो खैरो गिद्ध खैरो सुँन प्रजातीका गिद्ध लोपोन्मुख रहेका छन् । दक्षिण एसियामा पाइने गिद्ध मध्ये नेपालमा ८ प्रजातिका गिद्धहरु पाइने पत्रकार कृष्णमणि बरालले जानकारी दिनुभयो।

काठमाडौँ, भदौ १०। उच्चायुक्तको कार्यालय…नेपालले आज "आर्थिक, सामाजिक तथा सांस्कृतिक अधिकारसम्बन्धी प्रायः सोधिने प्रश्नहरू" नामक नेपाली पुस्तिका सार्वजनिक गर्‍यो। उच्चायुक्तको कार्यालय…नेपालले आफ्ना कामका सन्दर्भमा सामना गर्नुपरेका आर्थिक, सामाजिक तथा सांस्कृतिक अधिकारको प्रकृति र उपभोगबारेका केही साझा प्रश्नहरूको उत्तर दिन उच्चायुक्तको कार्यालयले यो पुस्तिका तयार पारेको हो। यस पुस्तिकाले विशेषगरी पर्याप्त जीवनस्तरसँग सम्बन्धित प्रश्नहरूको जवाफ दिन्छ। गहिरोसँग जरा हालेर बसेको भेदभाव, सीमान्तीकरण, बहिष्करण तथा लोकतत्रीकरणको अभाव द्वन्द्वका मूल कारणहरूमध्ये हुन् भन्ने कुरा व्यापक रूपमा स्वीकारिएको छ। नेपालमा शान्ति प्रक्रिया सफल हुनका लागि खाना, स्वास्थ्य, शिक्षा र आवासजस्ता मानिसहरूका आधारभूत आवश्यकता र अर्को अर्थमा भन्नुपर्दा आर्थिक, सामाजिक तथा सांस्कृतिक अधिकारहरू प्राप्त हुनु आवश्यक छ। यसै वर्षको अन्त्यतिर उच्चायुक्तको कार्यालय नेपालले मानवअधिकारबारे जनचेतना जगाउने केही सामग्रीहरू तयार पार्दैछ। दुई महिनाअघि सार्वजनिक एउटा सामग्री जाहेरी दर्खास्तसम्बन्धी चित्र पाठ थियो, जसले

काठमाडौं १० भदौ । पटक पटक माओवादी शिविरमा रहेका लडाकुहरु शिविर बाहिर हतियार सहित निस्कने क्रम बढिरहेकोमा सरकारले शिविरहरुको अनुगमन गरिरहेको संयुक्त राष्टसंघिय मिसन अनमिनको भुमिकाप्रति गंभीर असन्तुष्टी जनाएको छ। कपिलबस्तुमा माओवादी सेनाका लडाकुहरु हतियार सहित शिविर बाहिर आएको घटनामा अनमिनले प्रभावकारी अनुगमन गर्न नसकेको शान्ति तथा पुर्ननिर्माण मन्त्री रकम चेम्जोङले बताएका छन। रिपोर्टस क्लब नेपालले बुधवार आयाृेजना गरेको साक्षत्कार कार्यक्रममा बोल्दै मन्त्री चेम्जोङले भने कपिलबस्तुमा माओवादी लडाकुहरु बाहिर निस्केबाट अनमिनको अनुगमन फितलो भयो भन्ने सरकारलाई लागेको छ सरकारले तत्काल अनमिन प्रमुख करिन ल्याण्डग्रेनसग कुरा गरेर शान्तिसम्झौता अनुरुप माओवादी लडाकुहरु रहनुपर्दछ मान्यतामा अडिग छ। रिपोर्टस क्लब नेपालका अध्यक्ष ऋषि धमलाको सभापतित्वमा सम्पन्न कार्यक्रममा मन्त्री चेम्जोङले माओवादी लडाकु तथा हतियारको अनुगमन अनमिनले प्रभावकारी ढंगबाट गर्नुपर्ने बताउदै यो बिषयमा अनमिनको संयुक्त हतियार अनुगमन समिति जेएमसिसि मा छलफल हुने बताए । उनले शिविरका सवै लडाुकले माओवादी नेताको सुरक्षामा जान नपा

मकवानपुर १० भदौ । महेन्द्र राजमार्गमा एक बस आफै पल्टिदा ८ जना घाइते भएका छन् भने तीनजनाको अवस्था गम्भीर छ। आज बिहान १०-१५ बजे मनहरी-२ नजिकै वीरगंजबाट चितवन तर्फ जांदै गरेको ना ३ख १५५५ नको बस अचानक पल्टिदा ८ जना घाइते भएका हुन्। घाइतेमध्ये ५ जनाको प्राथमिक स्वास्थ्य केन्द्र मनहरी र गम्भीर घाइतेहरुको भरतपुरमा उपचार भइरहेको छ। बस चालक प्रहरी नियन्त्रणमा रहेको प्राप्त जानकारीमा उल्लेख छ। चालकमाथि कुटपिट गर्ने चालकलाइ कारबाहीको मांग गर्दै अवरुद्ध रहेको नारायणगढ-मुग्लिन सडकखण्ड आज बिहान सुचारु भएको छ। गए राति ११ बजे कविलाश -२ नजिकै ना।३ख ५०४९ न को ट्रकले साइड च्यापेको विषयमा ना३ख ३४४० नको ट्रक चालकसंग विवाद ३४४० नका ट्रक चालक नाम थाहा हुन सकेन ले ५०४९ नका ट्रक चालक सिमरा-३ बस्ने धर्म बहादुर तामाङलाई कुटपिट गरी गम्भीर घाइते बनाएका हुन्। घाइतेको भरतपुरमा उपचार भइरहेको छ भने पीडित पक्षले गए रातिदेखि दोषीलाइ कारबाहीको मांग गर्दै सडक अवरुद्ध गरेका थिए।

सर्लाही १० भदौ । अंशबण्डाको विवादमा घरमा विवाद हुंदा एकजना गम्भीर घाइते भएका छन् भने दुइजनालाइ प्रहरीले पक्राउ गरेको छ। आज बिहान मुसैली वडा नं।-६ निवासी शिवजी महत्तोको छोरा बर्ष ३० को बिन्देश्वर महत्तोले अंशवण्डा सम्बन्धी विवाद गरेपछि पिता र भाइहरु रामनाथ महत्तो अमरनाथ महत्तो उमेश महत्तो भुकली महत्तोले मिलेर विन्देश्वरलाइ कुटपिट गरेका हुन्। घाइतेको मलगंवा अस्पतालमा उपचार भइरहेको छ भने प्रहरीले शिवजी महत्तो र रामनाथ महत्तोलाई पक्राउ गरेको छ।

धनुषा १० भदौ । डांका समूहले गए राति साढे ११ बजे यज्ञभूमि गाविस वडा नं। ७ मा लाखौंको धनमाल लुटेको प्राप्त जानकारीमा उल्लेख छ। करिब १० जना लुटेराहरुले स्थानीय ६ वटामा घरमा लुटपाट गरी नगद सुन चांदी गरी करिब ३ लाख ६५२००।- बराबरको धनमाल लुटेर फरार भएका हुन्। प्रहरीलाइ जानकारी प्राप्त भएपछि डांकाहरुको खोजतलास गर्ने क्रममा एक थान सकेट बम फेला परेको थियो।

रौतहट १० भदा । जग्गा सम्बन्धी दुइ पक्षबीच झडप हुंदा दुइजना घाइते भएका छन् भने प्रहरीले हवाइ फायर गरेर घटनालाइ नियन्त्रणमा लिनुको साथै दशजनालाइ पक्राउ गरेको छ। आज बिहान मानपुर विसुनपुरुवा-९ बस्ने राम प्रवेश यादव किशोर यादव विगु यादव र भदई यादव बीच झडप हुंदा वर्ष ४० को कान्तिपुर यादव गम्भीर घाइते भएका छन् भने विसुनपुर-८ बस्ने १८ वर्षीय अमित राय सामान्य घाइते भएका छन्। घटनालाइ नियन्त्रणमा लिन प्रहरीले एक राउन्ड हवाइ फायर गर्नुको साथै दश जनालाइ पक्राउ गरेको मध्य Ôेत्र प्रहरी कार्यालय हेटौडाले जनाएको छ।

वीरगंज १० भदौ। नेपाल बैंक लिमिटेड सिटी अफिस वीरगंजका केही कर्मचारीहरुले निमित्त व्यवस्थापक मूलको मिलोमतोमा ओभरटाइम गरेको किर्ते प्रतिवेदन मुचुल्का बनाइ रु ४५ हजार भ्रष्टाचार गरेको तथ्य सार्वजनिक भएको छ। निजी बैंकहरुको प्रतिस्पर्धात्मक दौडमा समय अनुकूल बैंकिङ नीति नियम परिवर्तन नभएबाट विगतको तुलनामा डिपोजिट कर्जा प्रवाह एवं रेमिटेन्स जस्तो कारोबार कम गरिरहेको सो बैंकका कर्मचारीहरु बैंकमा काम कम भएबाट आधा दिन गफ चुटेर बस्ने अवस्था रहेको बखत ओभर टाइमको नाममा सो भ्रष्टाचार गरेको बताइन्छ। प्राप्त स्रोतका आधारमा उक्त बैंकले ऋण लगानी गरेको करोडौं रकम खराब कर्जा भइसक्दा पनि रकम उठाउन नसकेको वर्तमान अवस्थामा केन्द्रीय कार्यालय काठमाडौंले नयां कर्जा प्रवाह गर्न अग्रसरता नदेखाएको बखत कर्मचारीहरुको लिष्ट बनाइ बैंकका निमित्त मैनेजर मूलको सल्लाह अनुरुप ओभरटाइम शिर्षक अन्तर्गत ४५ हजार रुपैयां बैंकबाट झिकी निजी खातामा जम्मा गरेको बताइन्छ। सोही स्रोतका अनुसार केही दिन अघि सो बैंकका १० जना अवकाश प्राप्त कर्मचारीहरुलाई निमित्त मैनेजर मूल एवं केही कर्मचारीहरुले भव्य बिदाइ पार्टी दिएकोमा उक्त पार्टी समे

वीरगंज १० भदौ। नेपाल सरकारले उत्पादन ओसारपसार र बेचबिखन गर्न प्रतिबन्ध लगाएको गांजा पसा्र जिल्लामा प्रत्येक वर्ष लहलहाउने गर्दछ। पसा्र जिल्लामा गांजा राजनीतिले महत्वपूर्ण स्थान समेत ओगटदै आएको छ। दिनहुंजसो गांजाको ओसारपसार बिक्री वितरण र प्रहरीद्वारा छापामारी तथा बरामद हुने गरेको छ। अंचल प्रहरी कार्यालय नारायणी वीरगंजका वरिष्ठ प्रहरी उपरीक्षँक टोपेन्द्रध्वज हमालले आपुनो मातहतका पांच जिल्ला बारा पसा्र रौतहट मकवानपुर र चितवनका सबै जिल्ला प्रहरी कार्यालय सबै इलाका प्रहरी कार्यालय प्रहरी चौकी र अस्थायी प्रहरी चौकीमा समेत परिपत्र पठाउन लगाइ गांजाको बिउ छर्ने र गांजाको बोट रोप्नेमाथि आवश्यक कानुनी कारबाही समयमा नै चलाउन कडा निर्देशन दिनुभएको जानकारीमा आएको छ। एक स्रोतले बारा पसा्र मकवानपुर र रौटहट जिल्लामा व्यापक रुपमा गांजाको बिउ छर्ने कार्य कृषकहरुबाट भइरहेको जनाएको छ। गांंजाको बिउ भाद्र महिनामा छर्ने तयारी विरुवा खेतबारीमा असोज महिना भित्रमा रोप्ने र माघ महिनाभित्रमा तयारी अवैध गांजा काटेर आआफ्नो घरमा िभœयाइ मेशिनद्वारा प्रेस गरी बोरा र ड्रममा प्याक गरेर भारततर्फ चोरी निकासी गरिन्छ। गा

-शैलेश दवाडी- लन्दन १० भदौ । एनआरएन यूकेको सबै पदमा र्निबिरोध भएको निर्वाचन प्रमुख डा हेमराज शर्माले जनाएका छन । निर्वाचन परिणामको विधिवत घोषणा तथा सपथग्रहण तेश्रो साधारण सभामा गरिने उनले जनाएका छन । निर्बिरोध पदाधिकारीहरुमा अध्यक्ष सूर्य बहादुर गुरुङ, उपाध्यक्ष कुल आचार्य, महेन्द्र राज कँडेल, संयोजक, भक्त बहादुर गुरुङ, सहसंयोजक, विज्ञान प्रसार्ई, कोषाध्यक्ष, थर्क बहादुर सेन, सदस्यहरु ,केदार थपलिया , जीव नारायण बेलबासे टुका स्याण्वैल, पबन खत्री, प्रेम बहादुर गुरुङ, विज्ञान शर्मा, यादब कुमार श्रेष्ठ ,राज कुमार त्रिपाठी, सुरेन्द्र प्रसाद श्रेष्ठ, अन्तर्राष्ट्रिय परिषद सदस्यहरुमा किशोर सापकोटा, बिजय कुमार थापा, लक्ष्य बहादुर गुरुङ,राजेन्द्र कँडेल, शंकर प्रसाद भण्डारी छन । लण्डनको साउथलस्थित राम मन्दिर मा विश्व हिन्दू महासंघ बेलायत ले तीज को भब्य कार्यक्रम आयोजना गर्‍यो । रातो पहिरन मा सजिएका चेलीहरुले नेपाल को तीज को झल्को दिएका थिए । पन्डित गोविन्द प्रसाद नेपाल ले तीज को कथा भन्नु का साथै पूजा सम्पन्न गरिएको थियो । महासंघ को कार्यक्रम लाई हायस हर्लिन्टन नेपाली समुदाय ले सहयोग गरेको थियो