प्रचण्डको मनस्थिति खलबलिएको छ : भरतमोहन काठमाडौं माघ १३ । संस्कृति मन्त्री डा. मीनेन्द्र रिजालले सेना समायोजन विशेष समितिको चेन अफ कमान्ड र सचिवालयको संयोजक एकीकृत माओवादी हुन नसक्ने बताएका छन् । बुधबार रिपोर्टर्स क्लब नेपालको साक्षात्कार कार्यक्रममा मन्त्री रिजालले सचिवालयको संयोजकमा स्वतन्त्र सुरक्षाविज्ञ रहने दाबी गरे । 'सेना समायोजनका लागि ११२ दिनको कार्ययोजना बनेको छ' सेना समायोजन विशेष समितिका सदस्य समेत रहेका रिजालले भने- तर समयमै संविधान निर्माण गर्नुपर्ने भएकाले हामी ११२ दिन कुर्न सक्दैनौं । कृष्णप्रसाद सिटौला र कृष्णबहादुर महराले हस्ताक्षर गरेको हतियार तथा लडाकु व्यवस्थापन सम्झौताको दफा ४.१.२ का आधारमा लडाकु समायोजन हुने उनले स्पष्ट पारे । उनले बहृत् शान्ति सम्झौतामा कहीँ पनि माओवादी लडाकुलाई नेपाली सेनामा समायोजन गर्न नभएको र प्रहरी सशस्त्र प्रहरी या अन्य सुरक्षा बलमा उनीहरुलाई समायाजन गर्न सकिने बताए । मन्त्री रिजालले उच्चस्तरीय राजनीतिक संयन्त्र सरकार ढाल्न निर्माण गठन नभएको उनको धारणा थियो । साथै उनले मंगलबार कांग्रेस सभापति गिरिजाप्रसाद कोइरालासँग माओवादी अध्यक्ष