काठमाडौं, साउन १३ । पुनःगठित नेकपा माओवादीमा प्रवेश गरेका पूर्व माओवादी प्लाटुन कमाण्डर गोपाल महरा गौरव र सेक्सन कमाण्डर चुडामणि ढुंगाना ज्वालाको अपहरण भएको छ । आज मातृका समूहले रिपोर्र्टर्स क्लब नेपालमा पत्रकार सम्मेलन गरी हिजो विहान नवलपरासीको कावासोतीस्थित महराको कोठाबाट र ढुंगानाको तीन दिन अघि सन्धीखर्कबाट अपहरण गरी वेपत्ता पारिएको उल्लेख गरेको हो । पुनःगठित नेकपा माओवादीका सैन्य विभागका इञ्चार्ज प्रदीप खड्काले प्लाटुन कमाण्डर गोपाल महरा र चुडामणि ढुंगानालाई तत्काल नछाडिए कडा कदम चाल्ने चेतावनी दिए । व्रि्रोह गरी पुनःगठित माओवादीमा प्रवेश गरेको भरमा वेपत्ता पारेबाट प्रतिकारको चेतावनी दिए । खड्काले खड्का र ढुंगानाको रिहाईका लागि मानवअधिकारवादी, पत्रकार र नागरिक समाजसंग आग्रह गरेका छन् । आफ्ना पार्टीका नेता कार्यकर्तामाथि अपहरणको क्रम जारी रहे सडकमा उत्रिएर प्रतिकार गर्न वाध्य हुने बताए ।