वीरगंज, २ साउन । नेपाल पत्रकार महासंघ पर्साका सचिव केसी लामिछानेले नागरिकको सुसूचित हुने अधिकार जोगाउन आग्रह गरेका छन्। आज नेपाल पत्रकार महासंघ पर्सामा आयोजित आजाद नामक साप्ताहिक पत्रिकाको विमोचन गर्ने उनले सो कुरा बताएका हुन्। कार्यक्रममा नेपाल आम संचार मंच -फोमन) पर्साका अध्यक्ष महेश चन्द्र गौतम, नेपाल प्रेस युनियनका उपाध्यक्ष युवराज खडका, प्रेस चौतारी नेपाल पर्साका अध्यक्ष जीवनलाल श्रेष्ठलगायतले मन्तव्य व्यक्त गरेको सो कार्यक्रमको सभापतित्व साप्ताहिक पत्रिकाका प्रकाशक आश महम्मद मियां रहेका थिए। प्रत्येक शुक्रवार प्रकाशित हुने सो पत्रिकाको सम्पादक किरण सत्याल रहेका छन्।