वीरगंज, १ साउन । वर्षातको बेलामा पानी नपरेर चर्को घामले खेतको धान र बिउ सुक्न थालेपछि पर्सा र बाराका महिलाहरुले वर्षाको मांग गर्दै भगवानलाइ पुकारेका छन्।
धार्मिक र सामाजिक मूल्य, मान्यता अनुसार धान रोप्ने बेला पानी नपरेपछि ढिलै भए पनि पानी परोस् भन्दै महिलाहरुले गीत गाएर शहर बजार डुलेका छन्। बाराको लिपनीमाल, रामपुर, मुसरियाका महिलाहरुले गीत गाउंदै पानी परोस् भन्ने कामना गरिरहेका छन्।
पर्याप्त वर्षा नभएपछि यस वर्ष खडेरी हुने आशंका किसानहरुको अनुहार भरि मडारिएको छ। असार मसान्तसम्म बारा र पर्सा जिल्लामा करिब २५ प्रतिशत धान रोपिए पनि पर्याप्त पानी नपरेपछि बीउ र धान खेतमै सुक्न थालेका छन्। सिंचाइको अभाव रहेको स्थानमा साउन १५ गतेभित्र खेत बाझो रहे सम्पूर्ण जिल्ला नै सुख्खाग्रस्त हुने कृषि विकास कार्यालय बाराले जनाएको छ।
स्थानीय कृषकहरुलाइ धानको बिउ जोगाउन समेत समस्या परेको र धानबालीमा पानी पटाउन अत्यन्तै महंगो परेको किसानहरुले गुनासो गरेका छन्। यस वर्ष धानको उत्पादन त घट्ने भयो समयमै पानी नपरे अनिकाल लाग्ने चिन्ताले किसानहरु छटपटाइरहेका छन्।
चर्को घाम र खडेरीका कारण नदीहरुमा पानी सुक्दै गएपछि किसानहरु भगवानको शरणमा परेका छन्। पानी पर्ने कामनासहित किसानहरु दिनहुं पूजापाठमा व्यस्त रहने गरेका छन्। धानको गाभा डढन थालेपछि पर्साको विश्रामपुरका किसानहरुले महादेव र इन्द्रको पूजा गरेका छन्। त्यसैगरी पर्साको गादी, शंकरसरैया, ठोरीमा भगवानको पूजापाठ गरी भ्यागुतो र बर पिपलको विवाह समेत गरिसक्दा पनि पानी नपरेपछि किसानहरुमा ठूलो पीडा भएको छ।
अहिले वीरगंजमा चर्को घामका कारण शहर बजारमा मानिसहरुको उपस्थिति शून्य प्राय छ, करिब ४० ड्रि्री तापक्रम भए पनि हिजो र आज चिसो हावा बहेपछि स्थानीयवासीहरुमा केही राहत प्रदान गरेको छ।
धार्मिक र सामाजिक मूल्य, मान्यता अनुसार धान रोप्ने बेला पानी नपरेपछि ढिलै भए पनि पानी परोस् भन्दै महिलाहरुले गीत गाएर शहर बजार डुलेका छन्। बाराको लिपनीमाल, रामपुर, मुसरियाका महिलाहरुले गीत गाउंदै पानी परोस् भन्ने कामना गरिरहेका छन्।
पर्याप्त वर्षा नभएपछि यस वर्ष खडेरी हुने आशंका किसानहरुको अनुहार भरि मडारिएको छ। असार मसान्तसम्म बारा र पर्सा जिल्लामा करिब २५ प्रतिशत धान रोपिए पनि पर्याप्त पानी नपरेपछि बीउ र धान खेतमै सुक्न थालेका छन्। सिंचाइको अभाव रहेको स्थानमा साउन १५ गतेभित्र खेत बाझो रहे सम्पूर्ण जिल्ला नै सुख्खाग्रस्त हुने कृषि विकास कार्यालय बाराले जनाएको छ।
स्थानीय कृषकहरुलाइ धानको बिउ जोगाउन समेत समस्या परेको र धानबालीमा पानी पटाउन अत्यन्तै महंगो परेको किसानहरुले गुनासो गरेका छन्। यस वर्ष धानको उत्पादन त घट्ने भयो समयमै पानी नपरे अनिकाल लाग्ने चिन्ताले किसानहरु छटपटाइरहेका छन्।
चर्को घाम र खडेरीका कारण नदीहरुमा पानी सुक्दै गएपछि किसानहरु भगवानको शरणमा परेका छन्। पानी पर्ने कामनासहित किसानहरु दिनहुं पूजापाठमा व्यस्त रहने गरेका छन्। धानको गाभा डढन थालेपछि पर्साको विश्रामपुरका किसानहरुले महादेव र इन्द्रको पूजा गरेका छन्। त्यसैगरी पर्साको गादी, शंकरसरैया, ठोरीमा भगवानको पूजापाठ गरी भ्यागुतो र बर पिपलको विवाह समेत गरिसक्दा पनि पानी नपरेपछि किसानहरुमा ठूलो पीडा भएको छ।
अहिले वीरगंजमा चर्को घामका कारण शहर बजारमा मानिसहरुको उपस्थिति शून्य प्राय छ, करिब ४० ड्रि्री तापक्रम भए पनि हिजो र आज चिसो हावा बहेपछि स्थानीयवासीहरुमा केही राहत प्रदान गरेको छ।
Comments
Post a Comment