वीउमनपाको पिठीयाकरविरुद्ध तरकारी तथा फलफूल, माछामासु व्यवसायी संघ आन्दोलित

वीरगंज, १३ साउन । वीरगंज उपमहानगरपालिकाले पिठीयाकरको नाममा मनोमानी ढंगले रकम असूलेको विरोधमा तरकारी तथा फलफूल, माछामासु व्यवसायी संघ वीरगंज अनिश्चितकालीन आन्दोलनमा उत्रिएका छन्।
आजदेखि वीरगंजका फलफूल, माछामासु र तरकारी व्यवसायीले आ-आफनो व्यवसाय ठप्प पारी विक्री वितरण बन्द गरेका छ। वीरगंजको मीना बजारमा रहेका तरकारी तथा अन्य बजारहरु बन्द भएपछि बिहान किनमेलका लागि गएका उपभोक्ताहरुलाइ मर्का परेको थियो।
पिठीयाकर खारेज नभएसम्म अनिश्चितकालको लागि आन्दोलन जारी राख्ने एक व्यवसायीले बताए। वीउमनपाले रकम असूलेर पनि बजारको भौतिक पूर्वाधार निर्माणमा रकम खर्च नगरी मनोमानी ढंगले कर उठाएको आरोपमा व्यवसायीहरु आन्दोलित भएका हुन्।