प्रचण्ड गर्मीको कारण एकजनाको मृत्यु

वीरगंज, ५ असार । पर्सा र बारामा यतिखेर प्रचण्ड गर्मी बढेको छ भने वातावरणमा तातो हावा लुको प्रकोप पनि बढेको छ।
गर्मीको कारण पर्साको धोरेमा एकजनाको मृत्यु भएको छ। अत्यधिक गर्मी भएपछि धोरे ४ निवासी ६० वर्षीय कृष्णदेव मेहता मुर्छा परेपछि उनको उपचारको लागि अस्पताल लैजांदै गर्दा मृत्यु भएको हो । एक सातादेखि बढेको प्रचण्ड गर्मीका कारण दैनिक काम गर्न अत्यन्त गाह्रो भएको छ, शहर बजारमा मानिसहरुको उपस्थिति नगन्य छ। व्यापार, व्यवसाय ठप्प छ। अस्पतालमा विरामीहरुको चाप बढेको छ । बच्चाहरुलाइ विभिन्न रोग, लुतोले सताइरहेको छ। गाउंघरमा मानिसहरु रुखको छहारीमा बसेर दिन काटिरहेका छन्। खेतबारी बाझो हुंदै गइरहेको छ। धानको बिउहरु पहेंलिदै सुख्न थालेका छन्। वीरगंजमा अहिले अधिकतम तापक्रम ४) देखि ४५ ड्रि्री सेल्सियससम्म पुगेको छ।