गोली लागेर एकजनाको मृत्यु

रौतहट, १८ असोज । अज्ञात समूहले बुधवार राति रौतहटको कटहरियामा एकजनाको गोली हानी हत्या गरेको समाचार प्राप्त भएको छ।
गोली लागी कटहरिया-९ का ३० वषर्ीय देवशरण महतोको मृत्यु भएको छ। घटनामा सन्तपुर दोस्तिया गाविस घर भइ कटहरिया -९ ससुराली घरमा बस्दै आएका जयमंगल राय यादव र कटहरिया गाविस बलुवा घर भएका महेश राय घाइते भएका छन्।
कटहरिया बजारबाट भारतीय नम्बरको मोटरसाइकलमा सवार तीनजनालाई राति करिब ९ः३० बजे अज्ञात समूहले महतोको घर नजिकै गोली हानी फरार भएको इलाका प्रहरी कार्यालय गरूडाले जनाएको छ।
घाइतेको प्राथमिक स्वास्थ्य केन्द्रमा उपचार भइरहेको प्रहरीले जनाएको छ। घाइते दुवैको अवस्था सामान्य छ।
यता प्रहरीले हत्याको आरोपमा कटहरियाका बिगन महतो, लक्ष्मी महतो र भारत मोतीहरीका मुन्नाकुमार कुशवाहालाई पक्राउ गरी अनुसन्धान गरिरहेको छ।