मोफसलका सञ्चारगृह र श्रमजीवी पत्रकारहरुको अवस्था

काठमाण्डौं, ३१ जेठ । प्रकाशन समाज रुपन्देहीको प्रतिनिधी मण्डलले आईतवार प्रेस काउन्सिल नेपालका अध्यक्ष नारायण प्रसाद शर्मा रेग्मी, सूचना विभागका महानिर्देशक श्रीधर गौतम, पत्रकार महासंघका केन्द्रिय उपाध्यक्ष गोविन्द आचार्य लगायतलाई भेटेर प्रकाशन समाज रुपन्देहीसंग सम्बद्ध सञ्चारगृहहरुमा नेपाल सरकारद्धारा जारी श्रमजीवी पत्रकार ऐनको पर्ूण्ारुपमा कार्यान्वयन गरीएको जानकारी गराउदै मोफसलका सञ्चारगृह र श्रमजीवी पत्रकारहरुको अवस्था वारे अवगत गराएको छ।
आज प्रकाशन समाज रुपन्देहीका अध्यक्ष एवं दैनिक जनसंर्घष्ाका सम्पादक वालकृष्ण चापागाईको नेतृत्वमा गएको टोलीमा प्रकाशन समाज रुपन्देहीका उपाध्यक्ष तथा मेचिकाली दैनिकका कार्यकारी प्रमुख नर्वुलामा, समाजका सचिव एवं बुटवल टुडे दैनिकका प्रवन्ध सञ्चालक नवराज कुंवर, समाजका सदस्य एवं नवतिलोत्तमाका व्यवस्थापक विष्णु भण्डारीलगायतका सदस्यहरुको सहभागिता रहेको थियो।
प्रकाशन समाजको प्रतिनिधी मण्डलले राखेका विभिन्न जिज्ञाशाहरुका वारेमा धारणा व्यक्त गर्दै प्रेस काउन्सिलका अध्यक्ष नारायण प्रसाद शार्माले नेपालको लोकतान्त्रिक तथा प्रेस स्वतन्त्रताको आन्दोलन मोफसलका सञ्चारगृह र सञ्चारकर्मीहरुको उल्लेख्यनिय भूमिका रहेको चर्चा गर्दै लोकतान्त्रिक गन्तव्यको संस्थागत विकासमा फेरी संर्घष्ा गर्नु पर्ने दायित्व विर्सन नहुने धारणा व्यक्त गर्नु भयो ।श्रमजीवी पत्रकार ऐनको कार्यान्वयन गरेकोमा प्रकाशन समाज रुपन्देहीलाई सरहना गर्दै रुपन्देहीले उदारहणीय कार्यगरेकामा धन्यवाद दिनुभयो।
सूचना विभागका महानिर्देशक श्रीधर गौतमले सूचना विभागको निर्देशनलाई रुपन्देहीले तत्काल कार्यान्वयन गरेकोमा प्रशंसा गर्नु भयो ।
नेपाल पत्रकार महासंघका केन्द्रिय उपाध्यक्ष गोविन्द आचार्य तथा केन्द्रिय सचिव रामजी दाहालले प्रकाशन समाज रुपन्देहीले पत्रकारीतामा मोफसलका समस्या बारे महासंघलाई जानकारी गराएकोमा धन्यवाद दिंदै श्रमजीवी पत्रकार ऐन लागू गरेकोमा रुपन्देही का सञ्चार प्रतिष्ठान बधाईका पात्र छन भन्नु भयो । प्रकाशन समाज रुपन्देहीले मंगलवार प्रधानमन्त्री माधवकुमार नेपाललाई भेटी ज्ञापन पत्र दिने कार्यक्रम रहेको सचिव नवराज कुंवरले बताउनुभएको छ।