वीरगंज, १३ भदौ । शनिवार वीरगंजमा विभिन्न साहित्य कार्यक्रम हुने गरेको छ। यसै क्रममा आज बिहान गजल साहित्य मंच नेपाल र नयां नेपाल भोजपुरी साहित्य परिषदले साहित्यिक कार्यक्रम गरेको छ।
आज वीरगंजको घण्टाघरमा गजल साहित्य मंचको उद्घाटन गर्दै आयोजित गजल तथा सिर्जना वाचन कार्यक्रममा विभिन्न संघसंस्थाका साहित्यकार कविहरुले आ-आफनो रचना वाचन गरेका थिए।
संस्थाका अध्यक्ष लक्ष्मी शाक्यको सभापतित्वमा सम्पन्न सो कार्यक्रमको प्रमुख अतिथि डा। शशिभूषण वर्णवाल अतिथिहरु समाजसेवी तथा साहित्यप्रेमी गंगाबहादुर थापा नेपाल आम संचार मंच फोमनका केन्द्रीय उपाध्यक्ष सुदर्शन राज पाण्डे पर्साका अध्यक्ष महेशचन्द्र गौतम लगायतको उपस्थिति थियो।
आज बिहान नयां नेपाल भोजपुरी साहित्य परिषदले ठाराब क्याम्पस वीरगंजमा १७ औं कवि गोष्ठी अनिलकुमार यादवको अध्यक्षँतामा सम्पन्न गरेको छ।
कविता वाचन गर्नेहरुमा तपसी साह कानू वीरेन्द्र साह भूपेन्द्रप्रसाद कुशवाहा मुकेशप्रसाद यादव अरुण विक्रम शाह डा। शशिभूषण वर्णवाल लगायतले पाठ गरेका थिए।
Comments
Post a Comment