काठमाडौं, १२ असार । शान्ति तथा पर्ुननिर्माणमन्त्री रकम चेम्जोङले माओवादी लडाकुलाई नेपाली सेनामा समायोजन गर्न सकिने बताएका छन् । रिपोर्र्टर्स क्लब नेपालको साक्षात्कारमा बोल्दै सेनाका लागि मापदण्ड पुगेका लडाकु समायोजन हुनैसक्दैनन् भन्नु गलत हुने बताए।
माओवादी लडाकु नेपाली सेनामा पनि समायोजन गर्नसकिन्छ, मन्त्री चेम्जोङले भने, शतप्रतिशत सेनामा समायोजन हुनुहुदैन भन्नु र शतप्रतिशत सेनामै समायोजन गर्नुपर्छ भन्नु दुवै गलत हुन्छ । माओवादी लडाकु पनि नेपालीनै भएकाले उनीहरुको समायोजन र व्यवस्थापनका लागि सरकार गम्भीर रहेको बताए । छुट्टै संयन्त्र गठन गरेर वा समाजका अन्य क्षेत्रमा पनि लडाकुहरु समायोजन गरिने बताए।
मन्त्री चेम्जोङले एकीकृत नेकपा माओवादीलाई समेत सरकारमा सहभागी गराउने पहल भइरहेको बताए । माओवादीविना शान्ति प्रक्रिया तार्किक निष्कर्षा पुग्ने नसोचेको उल्लेख गर्दै भने, माओवादीको समेत सहभागितामा शान्ति प्रक्रिया तार्किक निष्कर्षा पुर्याउनर्ुपर्छ भन्ने मान्यताका साथ काम भइरहेको छ । शान्ति प्रक्रिया निष्कर्षा पुर्याउनर्ुपर्छ भन्ने आधारभूत मान्यतामा दलहरुको मत एउटै रहेबाट सहमति निस्कने आशा व्यक्त गरे । सहमति, सहकार्य र एकताबाटै अगाडि बढ्नले सरकारको मान्यता रहेको बताए।
Comments
Post a Comment