काठमाडौं, असार १६ । नेपाली कांग्रेसका महामन्त्री विमलेन्द्र निधिले एकीकृत नेकपा माओवादीको नेतृत्वमा अर्को सरकार बन्नैनसक्ने ठोकुवा गरेका छन् । रिपोर्र्टर्स क्लब नेपालको साक्षात्कारमा बोल्दै वर्तमान सरकार संविधानसभामा प्रतिनिधितित्व गर्ने २२ दलको र्समर्थनमा बनेको भन्नै नढल्ने बताए ।
माधवकुमार नेपालको नेतृत्वको सरकारलाई कसैले ढाल्न सक्दैन, निधिले भने, माओवादीले राष्ट्रि्य संयुक्त सरकारको कुरा गर्नु बेमौसमको बाजा हो । माओवादीकै कारणले उसको नेतृत्वको सरकार ढलेकाले आफ्नै नेतृत्वमा अर्को सरकार बनाउंछु भन्नुमा कुनै तुक नरहेको बताए । सरकार ढाल्न खोज्नुभित्र गलत नियत लुकेको बताए । राष्ट्रि्य सहमति बन्नसक्ने तर राष्ट्रि्य संयुक्त सरकार कहिलेपनि बन्न नसक्ने तर्क गरे ।
रिपोर्र्टर्स क्लब नेपालका अध्यक्ष ऋषि धमलाको सभापतित्वमा सम्पन्न साक्षात्कारमा बोल्दै निधिले सरकार ढाल्ने र बनाउने खेलमा लागेर माओवादीले अस्थिरता बढाउन खोजेको आरोप लगाए । उनले भने, यो सरकार ढाल्न खोज्नु भनेको अस्थिरता बढाएर शान्ति प्रक्रियालाई खतरामा पुर्याउनु हो । शान्ति प्रक्रियालाई तार्किक निष्कर्षा पुर्याउने हो भने माओवादी पनि वर्तमान सरकारमा सहभागी हुनुपर्ने बताए । वर्तमान सरकार वृहत सहमतिको सरकार भएकाले माओवादी समेत अटाउनसक्ने बताए । सरकार ढाल्ने खेलमा नलाग्न आग्रह गर्दै बरु यही सरकारमा सहभागी भएर संविधान निर्माणमा लाग्न आग्रह गरे।
Comments
Post a Comment