वीरगंज, १ असार । नेपाल पिछडावर्ग महासंघले ११ सूत्रीय माग पूरा गराउन दबाबस्वरुप असार २ गतेदेखि विरोध कार्यक्रमको घोषणा गरेको छ। नेपाल सरकार र पिछडावर्ग महासंघबीच भएको सम्झौता कार्यान्वयन नभएको भन्दै विरोधको कार्यक्रम घोषणा गरेको महासंघका केन्द्रीय सदस्य तेजप्रकाश सहनीले बताए।
विरोध कार्यक्रमबाट शैक्षिक क्षेत्र, उद्योग, व्यापार र आम जनजीवन प्रभावित नहुने गरी संचालन हुने गरी नागरिक समाजले पिछडावर्ग महासंघलाई नागरिक समाजले अनुरोध गरेको छ। वीरगंज उद्योग वाणिज्य संघको सभाकक्षमा संघका अध्यक्ष लगायतका प्रतिनिधि, शैक्षिक संस्थाको छाता संगठन प्याब्सन, एन. प्याब्सनका प्रतिनिधि र नेपाल पिछडावर्ग महासंघका प्रतिनिधिबीच आज भएको छलफल कार्यक्रममा उद्योग, बजार र शैक्षिक संस्थालाई बन्द हड्तालबाट मुक्त राख्ने सहमति भएको हो। पिछडावर्ग महासंघले भन्सार र राजमार्गबाट आवतजावत ठप्प गरी आप\mनो विरोध कार्यक्रम जारी राख्ने छ ।
Comments
Post a Comment