काठमाडौं, १२ असार। नेपाली कांग्रेसका सभापति गिरिजाप्रसाद कोइरालाले सरकार संचालनका लागि निर्माण हुन लागेको राजनीतिक संयन्त्रको नेतृत्व गर्ने बताएका छन्। आज रिपोर्र्टर्स क्लब नेपालको प्रतिनिधिमण्डललाई आज आफ्नै निवास महाराजगञ्जमा भेटी सहमति, सहकार्य र एकतालाई बलियो बनाउन शिर्षनेताहरु रहने संयन्त्रको नेतृत्व आफूले गर्ने खुलासा गरेका हुन्।
म राजनीतिक संयन्त्रको फिगर हेड बन्छु, कोइरालाले भने, संयन्त्रमा सबै दलका शिर्षनेताहरु रहनुहुन्छ। माओवादी अध्यक्ष प्रचण्ड समेत संयन्त्रमा सहभागी हुने बताए। आफूले प्रचण्डलाई भेटी संयन्त्रमा सहभागी हुन आग्रह गरेको बताउदै त्यसले नयां राजनीतिक सहमतिको वातावरण निर्माण गर्ने बताए।
सहमति, सहकार्य र एकताको विकल्प नभएको बताउदै राजनीतिक संयन्त्रमा बसेर सहमतिका लागि भूमिका निर्वाह गर्ने बताए। उनले भने, म नेतृत्वमा देखिन मात्र हो, काम गर्ने अरु साथीहरुले हो। संयन्त्रले सरकारमा विवाद भएमा समाधान गर्ने बताए। आपसी सहमति, सहकार्य र एकताका लागि संयन्त्र उपयोगी सावित हुने बताए। सबै मिलेर शान्ति प्रक्रियालाई तार्किक निष्कर्षा पुर्याउनुको विकल्प नभएको बताए। देशभित्र सहमति, सहकार्य र एकता बनाउदा अन्तराष्ट्रि्य जगतबाट पनि सहयोग प्राप्त हुने बताए। देशभित्र र बाहिर दुवै क्षेत्रबाट दलहरुबीचको एकता र सहकार्यको आकांक्षा भएकाले गम्भीर हुन आग्रह गरे। सिंगो मुलुकलाई सहमति र मेलमिलापको सूत्रमा बाध्ने मिसन पूरा गरेरै छाड्ने बताए। मिसनमा सहयोग गर्न आग्रह समेत गरे।
Comments
Post a Comment