पहिरोका कारण ५ जनाको मृत्यु, दुइ बेपत्ता

कास्की, १८ जेठ । अविरल वषर्ापछि आाएको पहिरोमा परि कास्कीको देउरालीमा एकैपरिवारका ३ जनाको मृत्यृ भएको छ । देउराली गाविस वडा नम्बर ८, मज्याङकोट, ठूलोपधेरास्थित सिंहबहादुर गुरुङको घर बगाउँदा उहांका ८० वषर्ीया आमा मंगली गुरुङ, २५ वर्षीया बुहारी सोनी गुरुङ र डेढ वर्षीया नातिनी पूर्णीमा गुरुङको मृत्यु भएको हो।
पहिरोमा परी सिंहबहादुरका अर्का नातिनी ११ वर्षीया नातिनी रेखा गुरुङ सामान्य घाइते छिन्। गएराति करिब २ बजेतिर झण्डै दश मिटरमाथिबाट रुखसहित आएको पहिरोले गुरुङको घर बगाएको हो। घटना भएको थाहा भएपछि सातमुहाने देउराली प्रहरी चौकी तथा डांडाको नाक प्रहरी चौकीबाट गएको प्रहरीले टोलीले स्थानीयबासीको सहयोगमा अहिले उद्धार गरिरहेको छ । आज बिहान पहिरोबाट ३ जनाको शव निकालेको हो। राती ठूलो पानी परेपछि पहिरो जानसक्ने आशंकामा परिवारका अन्य सदस्यहरु लीलामाया गुरुङ र सिहबहादुर गुरुङ घर बाहिर निस्कदा बच्न सफल भएका हुन् । घटनास्थल पोखराबाट करिब ३० किलोमिटर पूर्वी दिशामा पर्दछ ।
यता, कास्कीको मिजुरेडांडास्थित रुदीखोलामा अविरल वर्षापछि पहिरो गएको परी ६७ वर्षीय तारानाथ अधिकारी बेपत्ता भएका छन्। मंगलबार गएको सो पहिरोमा उनी बेपत्ता भएको ढिलो प्राप्त खबरपछि उद्दारका लागि डांडाकोनाक प्रहरी टोली त्यसतर्फगएको जिल्ला प्रहरी कार्यालय कास्कीले जनाएको छ उता गएराति तनहुंको छप्रेक गाविस चोया बिसौनाका कृष्णबहादुर भुजेलको घरमा पहिरोले पर्ूदा एकै घरका दर्ुइ जनाको ज्यान गएको छ । घर भत्किंदा कृष्णबहादुरकी श्रीमती भगवती भुजेल र छोरी सीमा भुजेलको ज्यान गएको हो । कृष्णबहादुर भुजेल बेपत्ता हुनुहुन्छ।