धनुषा, २२ असार । हतियारसहित दुइजनालाइ प्रहरीले पक्राउ गरेको छ ।
गए राति ९ः३० बजे जनकपुर-७ स्थित भमरापुरा चोकमा प्रहरीले रिक्सामा लुकाइछिपाइ ल्याएको एउटा बम र कटुवा पेस्तोल थान १ फेला पारेपछि पेस्तोल निकाल्ने क्रममा बम विस्फोट भएको थियो । विस्फोटबाट कुनै क्षति नभएको प्रहरीले जनाएको छ।
प्रहरीले घटनास्थलबाट जनकपुर-७ बस्ने ३५ वर्षीय रिक्सा चालक श्रीप्रसाद साह र धनुषा औरही-८ स्थायी घर भइ हाल जनकपुर-७ बस्ने २२ वर्षीय लम्बु भन्ने रामअधिन साहलाइ पक्राउ गरेको छ। प्रहरीले अनुसन्धानको क्रममा रामअधिनको घरबाट नलकटुवा पेस्तोल र एक थान खुकुरी बरामद गरी थप अनुसन्धान गरिरहेको प्रहरीले जनाएको छ।
Comments
Post a Comment