तीर्थ धाम गएका दुइको मृत्यु, दुइजना बेपत्ता

धनुषा, १४ साउन । बोलबम गएको एक व्यक्तिको शव धनुषाको कमलानदीको बगरमा फेला परेको छ।
आज बिहान सिंग्याहीमडान-६ नजिकै नदीको वगरमा महोत्तरी, खयरमारा-९ बस्ने बिन्दा नेपालको शव सडिगलेको अवस्थामा फेला परेको हो। उनको मृत्यु बोलबम गएको अवस्थामा खोलामा डुबेर भएको प्रहरी अनुमान छ।
यसैगरी गत साउन १२ गते सिन्धुलीको लङगुर खोलाले तीन तीर्थयात्रीलाइ बगाएपछि एकजना मृत अवस्थामा फेला परेको छ भने बांकी दुइजना बेपत्ता भएका छन्।
नदी तर्ने क्रममा तीनैजनालाइ बगाएपछि मंगलवार एकजनाको शव गिजियानीमा फेला परेपछि प्रहरीले बेपत्ता दुइजनाको खोजतलास गरिरहेको छ।