दुर्घटनामा एकजनाको मृत्यु

वीरगंज, १५ साउन । विभिन्न स्थानमा दुर्घटना हुंदा एकजनाको मृत्यु भएको छ।
गए राति ९ बजे पृथ्वी राजमार्गको धादिङ, धार्के-८ नजिकै बा.१ख ३९७६ नं.को ट्रक सडकबाट करिब ५० मिटर तल खसेपछि मकवानपुर गोगने बस्ने सिताराम गोलेको घटनास्थलमै मृत्यु भएको छ।
मकवानपुर को मनहरी-२ सुनाचुरी नजिकै ना.३ख ३४४१ नं.को ट्रकको ठक्करबाट गाइको घटनास्थलमा नै मृत्यु भएको छ भने ट्रक र चालक प्रहरीको नियन्त्रणमा रहेको प्राप्त जानकारीमा उल्लेख छ।
गए राति हेटौडा-४ कान्ती राजपथमा रोकी राखेको ना.१ख ६४७९ नं.को ट्रकमा बा.९प ६४६७ नं.को मोटरसाइकल ठोक्किंदा मोटरसाइकलचालक मिनबहादुर थिङ गम्भीर र्घाईते भएका छन्।