वीरगंज, १० साउन । दुइवटा भारतीय ग्यांस ट्याकंरमा रहस्यमय तरिकाले आगलागी हुंदा वीरगंजमा ठूलो संकट टरेको छ।
आज वीरगंज, रजतजयन्ती चोक नजिकै रोकिराखेको युपी-१४-टि ९६३७ नं. र एचआर ३८ सी२८२३ नं.को अर्को टयाकंरमा रहस्यमय तरिकाले आगलागी हुंदा सो क्षेत्रमा त्रास फैलिएको थियो।
स्थानीयवासी, बारुण यन्त्र, प्रहरीको सक्रियतामा सो टयाकंरमा आगलागी नियन्त्रणमा लिइएको थियो। घटनापछि आक्रोशित इनर्वाबासीले एक दर्जनभन्दा बढी ग्यांस ट्याकंरको सिसा फुटालेका थिए।
भारतबाट ग्यांस लोड गरेर नेपाल भित्रिदै गरेको सो दुइ टयांकरमा आगलागी हुनुको कारणबारे प्रहरीले अनुसन्धान गरिरहेको छ।
यसैगरी घटनास्थलमा समाचार संकलन गर्न गएका नेपाल टेलिभिजनका संवाददाता भूषण यादवको क्यामेरा प्रदर्शनकारीले खोसी तोडफोड गर्नुका साथै कुटपिटसमेत गरिएको उनले बताए।
Comments
Post a Comment