पानी परेकोमा र्सवत्र खुशीको लहर

बीरगंज, १२ साउन । बीरगंजमा आज दोश्रो दिन पनि पानी परेपछि र्सवत्र खुशीको लहर छाएको छ। पानी जमेरै परी दियो भने खेती जोगिने आशा पलाएको छ। सबैले आ आफनो ढंगले इश्वर संग प्रार्थना गरेका थिए र सबैको प्रार्थना सुनिएको छ भनी धर्म जागरण मंचका सचिव उमेश गुप्ता भन्छन। वर्षाको लागी परमात्मासंग प्रार्थना गर्न माइस्थानमा दुइ दिने यज्ञ आयोजन गरिए पश्चात यज्ञदेव शास्त्रीले परमात्मा कृपालु भएकोले दुनियांको प्रार्थना अवश्य सुन्छन र भोलीपल्ट सांझ ३ बजेर ४७ मिनेट जांदा पानी पर्ने प्रवचन दिएका थिए। यज्ञमा प्रयोग गरिएको औषधीय जडीबुटीको आहुति र वैदिक मंत्रोच्चारबाट वायुमण्डल शुद्ध हुने र छिट्टै पानी पर्ने भनी आयोजकहरुले गरेको दावी गरेको सत्य सिद्ध भएको छ । केहि दिन पहिले मूस्लिम समुदायले पनि वषर्ाको लागि प्रार्थना सभा आयोजन गरेको थियो।
मानिसहरुले नक्कली विकासको लागि पर्यावरण दुषित गरेकोले पानी रोकेर इश्वरले चेतावनी दिएको कुरा शास्त्रीले भनेका छन्। प्रकृतिको अत्याधिक दोहन र पश्चिमा संस्कृतिको अंधो अनुकरण गर्ने काम न रोकिए भविष्यमा मानव जातिले ठूलो विपदा भाग्नु पर्ने निश्चित छ। तर भगवान कृपालु हुनु हन्छ, हामीलाई सुध्रिने अवसर अवश्य दिनु हुन्छ भने वहांको विश्वास रहेको छ। यस विश्वले पराऐतिहासक युगमा पनि धेरै भौतिक प्रगति गरेर महाविनास भोग्नु परेको र त्यो विनासबाट बच्ने सुत्रहरु वेद संहिता, आरण्यक, ब्राहमण र उपनिषद आदि ग्रन्थहरुमा सुरक्षित छ भने वहांको ठहर छ। वैदिक धर्मका बाटा नै महाकल्याणकारी बाटो हो र धर्म सनातन र र्सवकालिक छ।