वीरगंज, १८ असार। सौर्न्दर्य कला व्यवसायी संघ नेपालले दोश्रो वाषिर्क उत्सवको उपलक्ष्यमा भारतीय कम्पनी ल्याक्मी कस्मेटिकको सहयोगमा काठमाडौंको होटल सोल्टीमा असार १९ गते दुलही श्रंृगार प्रतियोगिताको आयोजना गर्ने भएको छ।
नेपालको ५ विकास क्षेत्रबाट ३ सय प्रतियोगीहरू सहभागी गराइएकोमा छनोट प्रक्रियाबाट विराटनगर, बुटवल, भैरहवा, काठमाडौं, नेपालगंज लगायतका २० जना ब्युटिसियन प्रतियोगीको सहभागिता रहने छ।
लुकेर बसेका ब्युटिसियन प्रतिभाहरूलाई उजागर गर्ने उद्देश्य अनुरूप आयोजना गर्न थालिएको यस प्रतियोगितामा प्रथम हुने ब्युटिसियन प्रतियोगीलाई नगद रू ५० हजार पुरस्कार दिइनुका साथै भारतस्थित लेक्मी कम्पनीमा तालिमका लागि पठाइने व्यवस्था मिलाइएको आयोजक संस्थाकी अध्यक्ष्ँ कमला श्रेष्ठले बताउनुभएको छ।
त्यसैगरी द्वितीय स्थान प्राप्त गर्ने प्रतियोगीलाई नगद रू ३० हजार एवं नेपाली टेलिभिजनमार्फ ब्यूटिसियनबारे कार्यक्रम प्रशारण गर्ने मौका प्रदान गर्ने र तेश्रो स्थान प्राप्त गर्ने प्रतियोगीलाई नगद रू २० हजारका साथै महिला पत्रिकामा कभरपेजमा फोटो राख्ने अवसर प्रदान गरिनेछ।
संस्थाले प्रथम वाषिर्क कार्यक्रममा काठमाडौंकै ब्युटिसियनहरूलाई सहभागी गराइ प्रतियोगिता गराइएकोमा यस वर्ष५ विकास क्षेत्रलाई समेटी एकै थलोमा कोरियोग्राफर रचना सिंहले १ महिने तालिम प्रदान गरेकी छिन्।
Comments
Post a Comment