मुद्दा फिर्ता नलिए ज्यान मार्ने धम्की

वीरगंज, ८ साउन । हत्याराहरुले आफनो पतिको हत्यापछि मुद्दा फिर्ता नलिए आफू र आफनो परिवारको हत्या गर्ने धम्की दिएको एक पीडित महिलाले बताएकी छन्।
आज रिपोर्टस क्लब नेपाल पर्सामा आयोजित पत्रकार सम्मेलनमा बोल्दै वीरगंज रामगढवाका स्व. देवनारायण राउत कुर्मीको पत्नी रामपुकारी देवीले न्याय दिलाइ सुरक्ष्ँाको प्रत्याभूति गराउन आग्रह गरेकी हुन्।
२०६५ साल असोज २७ गते देवनारायण राउतलाइ एशियन डिष्ट्रिलरी जाने क्रममा सोही गाविसका निवर्तमान अध्यक्ष, नेपाली कांग्रेसका जंगली राउत कुर्मी र निजका छोराहरुले मिलेर हत्या गरेको पत्रकार सम्मेलनमा रामपुकारीले बताइन्।
हत्या गरेको आरोपमा रामबहादुरप्रसाद कुर्मी, जंगबहादुर प्रसाद कुर्मी, अशेश्वरप्रसाद कुर्मी तथा दरोगा राउत कुर्मी, प्रकाश प्रसाद कुर्मी, सिकेन्द्रप्रसाद कुर्मी, राकेशप्रसाद कुर्मी, धु्रवप्रसाद कुर्मी, जुगलकिशोर कुर्मी, जंगबहादुर पटेल, रामस्वरुपप्रसाद कुर्मी, सुनीलप्रसाद कुर्मी, धु्रवप्रसाद पटेललगायत विरुद्ध पर्सा जिल्ला अदालतमा ज्यान मुद्दा दर्ता भइ मुद्दा चलिरहेको छ ।
अशेश्वर, प्रकाश, दरोगा, राकेश, जुगल, धु्रव, जंगबहादुर, सिकेन्द्रलाइ प्रहरीले पक्राउ गरी जेल चलान गरेको र बांकी अभियुक्तहरु फरार भइ भारत, रक्सौलको आसपासमा बस्दै अदालतमा विचाराधीन मुद्दा फिर्ता नलिए ज्यान मार्ने धम्की दिएको रामपुराकारीले पत्रकार सम्मेलनमा खुलासा गरिन्।
पत्रकार सम्मेलनमा वितरित प्रेस विज्ञप्तिमा नेपाली कांग्रेसका सभासद अजयकुमार द्विवेदी, कांगेसका राजेन्द्रबहादुर अमात्य, दिनानाथ गुप्ता, अजय चौरसिया लगायतले थुनामा रहेका हत्याराहरुलाइ राजनीति मुद्दा बनाइ जेलबाट छुटाउन षडयन्त्र गरिरहेको आरोप लगाइएको छ।
रिपोर्टस क्लब नेपाल पर्साका अध्यक्ष कन्हैया गुप्ताको सभापतित्वमा सो कार्यक्रम सम्पन्न भएको थियो।