बारा र महोत्तरीमा दुर्घटनामा परी दुइजनाको मृत्यु

वीरगंज, ३ साउन । बारा र महोत्तरीमा सडक दुर्घटनामा परी दुइजनाको मृत्यु भएको छ।
आज बिहान ३ः१५ बजे बारा, निजगढ नजिकै ना.३ ख ५७८५ नं.को ट्रकलाइ ना.३ ख ६२८२ नं.को बसले ठक्कर दिंदा ट्रकको हेल्पर मकवानपुर पदमपोखरी बस्ने २१ वर्षीय पेम्बा लामाको घटनास्थलमा नै मृत्यु भएको छ भने ७ जना घाइते भएका छन्। घाइतेमध्ये ४ जनाको स्थानीय मेडिकलमा र ३ जनाको ना.उ.क्षे.अस्पताल वीरगंजमा उपचार भइरहेको छ।
यसैगरी आज बिहान ४ः१५ बजे महोत्तरी, माइस्थान-८ स्थित ढुंग्रे पुल नजिक ना.३ ख ५५५५ नं.को बस दुर्घटना हुंदा बसको हेल्पर ३० वर्षीय मुकेश कार्कीलाइ सोही बसले च्याप्दा उनको घटनास्थलमै मृत्यु भएको हो।