-फलोअप-
वीरगंज, २६ असार । प्रधानमन्त्री नेपालले ठाकुर राम बहुमुखी क्याम्पसलाइ रु १ करोड आर्थिक सहयोग उपलब्ध गराउने प्रतिबद्धता जाहेर गर्नुभएको छ।
आज ठाराब क्याम्पसमा निरीक्षण तथा सम्मान कार्यक्रममा बोल्दै आफूले अध्ययन गरेको क्याम्पसमा सहयोग गर्न पाएकोमा खुशी व्यक्त गर्दै क्याम्पसको माथिल्लो तल्लाको छत निर्माणका १ करोड रुपैया उपलब्ध गराउने प्रतिबद्धता जाहेर गर्दै अर्थमन्त्रीलाई फोनमार्फ आदेश समेत दिनुभयो ।
यसैगरी प्रधानमन्त्री माधव कुमार नेपालले देश अहिले समस्या नै समस्याबाट गुज्रिरहेकोमा गुनासो पोख्नुभएको छ।
आज प्रमंको सम्मानमा वीरगंज उद्योग वाणिज्य संघद्वारा आयोजित कार्यक्रममा बोल्दै उहांले शान्तिपर्ूण्ा सामाजिक परिवेशको समस्या, राजनीतिक स्थिरताको समस्या, नीतिगत सामञ्जस्यता र निरन्तरताको समस्या, उद्योग र श्रमिकहरुबीचको आपसी समझदारीको समस्याहरु निराकरण गर्ने सरकारले ध्यान पुर्याउने कुरामा जोड दिनुभयो ।
प्रम नेपालले दस वर्षो द्वन्द्वले देश पछाडि परिसकेको दाबी गर्दै जनताको विश्वास सरकारप्रति कम भएकोमा बताउनुभयो ।
देश अब शान्तिको युगमा प्रवेश गर्न खोज्दैछ उहांले भन्नुभयो संक्रमणकालीन पीडा भोगेका नेपाली जनताले अब चांडै सुखका दिन आउने भन्दै नआत्तिन आग्रह समेत गर्नुभयो ।
उहांले बेरोजगारी समस्या समाधान गर्ने, देशमा शान्तिको बहाली गर्दै आर्थिक विकासको बाटोमा देशलाई लैजाने र आउदो बजेटले सो कुराको अनुभूति दिने विश्वास व्यक्त गर्नुभयो ।
प्रम नेपालले जीवनको सुरक्षा मात्र होइन, पंूजीको पनि सुरक्ष्ँा यो सरकारले गर्ने दाबी गर्नुभयो । उहांले पर्यटन, परियोजना, उद्योग, कलकारखानाको विकास गर्न सरकार तत्पर रहेको छ ।
उहांले नयां नेपाल निर्माणमा उद्योगी, व्यापारी, नागरिकको ठूलो भूमिका रहने बताउंदै सरकारले इमान्दारी र निष्ठाका साथ काम गरिरहेको हुंदा सबैले हातेमालो गरी साथ दिन आग्रह गर्नुभयो ।
Comments
Post a Comment