प्रहरी र स्व. यादवका परिवारबीच सहमति

रौतहट, १२ साउन । गत साउन १० गते अज्ञात समूहको गोली लागी मृत्यु भएका वाइसिएलका केन्द्रीय सदस्य लक्ष्मण राय यादवको परिवार र स्थानीय प्रशासनबीच चार बुंदे सहमति भएपछि आन्दोलनका कार्यक्रम स्थगित भएको छ।
आइतवार सांझ प्रशासन र पीडित पक्षबीच भएको वैठकमा हत्याको छानविन गर्न उच्चस्तरीय आयोग गठन गर्न नेपाल सरकारलाई अनुरोध गर्ने, मृतकलाइ शहीद घोषणा गरी उचित क्षतिपूर्ति दिलाउन सरकारलाई सिफारिस गर्ने, घटनाको दोषी पत्ता लगाई कानून बमोजिम कारवाही गर्ने, यस अघिका घटनाहरुका मृतक राम प्रवेश साह, कृष्ण मोहन जैसवालको सम्बन्धमा छानविन हुनु पर्ने र मांगहरु १५ दिन भित्र कार्यान्वयन गर्ने सहमति भएको थियो।
सहमतिपछि पीडित पक्षले रायको शव राखि अवरुद्ध गरेको राजमार्ग सुचारु भएको छ।