-प्रकाश दाहाल-
हेटौंडा, २७ असार । हेटौडामा रेडियो मकवानपुर एफएमले परीक्षण प्रसारण आरम्भ गरेको छ ।
बिकासका लागि सहकार्य नामक गैर सरकारी संस्थाले स्थापना गरेको सो एफएम १०१.३ मेगाहर्जमा सुन्न सकिन्छ । असार २३ गतेबाट परीक्षण प्रसारणमा रहेको यसको प्रसारण क्षमता ५०० वाट रहेको छ ।
एफ एम हेटौंडामा रहेपनि यसको प्रसारण मकवानपुर जिल्ला, आसपासका जिल्ला तथा पश्चिम गुल्मी लमजुङ, पर्ुवमा महोत्तरी, सिन्धुली, र्सलाही लगायतका जिल्लाहरुमा यसको प्रसारण सुनेर स्रोताहरुको प्रतिक्रिया आएको रेडियो मकवानपुर प्रसारण उप समितिका सहसंयोजक रीपेश दाहालले जानकारी दिए । सामुदायिक एफएम भएकोले स्थानिय बिषयबस्तुलाई बढि प्राथामीकताका आधारमा रेडियोमा कार्यक्रम प्रसारण गरीने सहसंयोजक दाहालले बताए । बिकासका लागि सहकार्य नारा लिएको यस एफएमले समाजको नजिक रहेर सामाजिक जनचेतना जगाउने उद्देश्यले संचालनमा ल्याईएको संस्थाका अध्यक्ष कृण्ण अर्यालले जानकारी दिए । यो एफएम मकवानपुरको दोस्रो तथा हेटौंडाको पहिलो सामुदायिक एफएम हो । मकवानपुरमा सातवटा एफएम संचालनमा आएतापनि हाल यो एफएम सहित ५ वटा मात्र सञ्चालनमा रहेका छन् ।
Comments
Post a Comment